Etalululo lyofilima yaWinnie

0
58

Etalululo lyofilima
________________

Winnie Madikizela-Mandela ota hokolola ombinga yehokololo lyonkalamwenyo ye ndjoka yuudha oshindji no tayi pendutha omapulo ogendji.Ihe shoka sha konekiwa ooshika kutya ndjika otayi gandja ashike ombinga yimwe yehokololo lye olyo alike.

Monkalamwenyo yopolitika yaSouth Africa ka muna ehokololo tali hili noku pendutha omadhiladhilo unene kaali shi ashike ndyoka lya Winnie Madikizela-Mandela.

Ehokololo lyomusamane gwe nale Nelson olina esimano nongushu yuupenda unene tuu sho ye a pita mondholongo yomimvo 27 noku eta uudemokoli koshigwana she, ndele moku yelekanitha nehokololo lye ndyoka olya kwatelamo esindano, esithohoni, okuya muupongekwa oshowo okusimanekwa kombinga yimwe yoshigwana noku talika nomeho omawinayi kombinga onkwawo unene okushitalela mehokololo lyedhipago ndyoka natango lye etitha oompata no inaali potokonoka sigo oompaka.- Mbika oyo iihokololwa yoopalela okuningwa ofilima nenge okino.

Nonando okwa lya iipyu niitalala uule womimvo dha piti, ofilima tayi hokolola okumwenya kwe oya pumbiwa na oya li yina okukala ya thanekwa nale. Nonkalo ndjika oye eta opo ofilima ndjoka yeetwapo ku Pascale Lamche’s “Winnie,” tayi hokolola noku ulika uukwatya we ngaashi ye mwene te shi hokolola wu uvike lwotango, naandjika otayi hili noku yi ninga oshiningwanima sha simana.

Ihe ohoni oondjika “Winnie” ofilima ndjika otayi hokolola ashike ombinga yimwe yiilonga mbyoka yaa na oombedhi , moku simaneka “yina yoshigwana’ ngaashi a tseyika nawa kwaamboka haye mu simaneke noku mu tangelo iilonga ye.

Ofilima yaLamche ndjoka ye mu sindanitha moku yi wilika pomagandjo gomapole poSundance, oyili omushangwa gwopandjokonona, ndjika ya pe omuningwa gwayo omunamimvo 80 ompito ombwaanawa yokuhokolola ombinga yimwe yehokololo lye lyuudha oompata nomaipulo ogendji. Ongofilima yomushangwa ndjika oya adha oshindji moku yi tala mokugandja sha kiipambele yaMandela oshowo okugandja sha kombinga yoompata ndhoka dhilipo kombinga yoshinakugwanithwa shaaningi yoofilima oondjokononi mokugandja iitsa niiningwanima ngaashi yina okukala unene tuu okuyi pa aapulakeni naatali mboka yaana ontseyo kombinga yehokololo ndyoka tali ndjokononwa.

Lamche okwa pewa oprojeka yofilima ndjika konima yokuthaneka oofilima dhina sha naSouth Africa ngaashi “Sophiatown” na “Accused #1: Nelson Mandela,” noku uviteko shoka ta longo koshilongwa she. Ihe aatali mboka yaana nawa uunongo kombinga yehokololo lya Madikizela-Mandela otaya vulu okundhindhilika nkene aadhani mehokololo oyendji taya popile mwene gwe hokololo . Okuza komuningwa yemwene mwa kwatelwa nomwanakadhona Zindzi oshowo omushangi ndjokonona a gama ombinga Anne-Marie du Preez Bezdrob. Ookomenda dhawo adhihe otwa hokololelwa kutya Madikizela-Mandela okwa talika ongo odemoni molwashoka ashike a li ha popile aantu mboka yaana ewi oshowo mboka ya dhinika .

Naashika olundji ihashi talikako nolundji osha dhinika ihe ye keshi omukiintu ngoka ta vulu oku mwenena oshinima shika inaa tya ko nando osha. Ihe mehokololo lye moka ye ti ihokolola mopersona ontintatu ina fatulula naanaa nawa.

Ofilima otayi simaneke nokukoleka iinima ya simana mbyoka Madikizela-Mandela a longo ongo omunandjungu mokukondjitha okatongotongo noshowo ye okwa kalelapo oshipala shonyati noshenyatipalo shongundu yomusamane gwe yo African National Congress – unene mosikumudha aagundjuka naakiintu mongundu ndjoka. Mpoka ofilima ya hokolola kashona omoshinima shokumonika ondjo kwe miilonga yomuyonena. Ekwatopo ombambyona momumvo 1988 nedhipago lyomunamimvo14 omunandjugu Stompie Moeketsi shaningwa kaagameni ya Madikizela-Mandela anuwa pa lombwelo lye.

Oshinima shika osha tumbulwa ashike kashona kowala nomuthindo ogwa tulwa unene kombinga yetokolo lyokumonika keena ondjo.
Shika osha etwapo okuulika kutya epangulo olya yeleke edhina lyomuhokololambinzi Winnie ngaashi a talika ko kaayambidhidhi ye.
Iitopolwa yimwe kombinga yompango nondjokonona mwakwatelwa omalundilo ga gwedhwapo gokuhepeka, okukwatombambyona, okuthiminika osho wo edhipago mbyoka ayihe inaashi kolekwa natango kutya inayi ningwa kuye oya ethiwa inaayi gumwa naanaa.

Oya filwa ashike ngembakumbaku lya heya etali filile oonkudhu kohi yoshilwa. Lamche ina konga nando oonzapo dhomutamaneki okukoleka ehokololo lyofilima ndjika kakele koku konga omahokololo kombinga ndjika okwe ga kongo kaatonateli yepangelo lyokatongo mwa kwatelwa omukuluntu nale gwiilonga yomonanguwi Niël Barnard, oku popya kutya onkalamwenyo ye oya li yina oshiholelwa oshiwanawa.

Shimwe shomiinima iiwinayi mbyoka ya hololwa kombinga yaMadikizela-Mandela ooshoka shoku taambako omukalo omwiinayi gwokudhipaga aantu hagu ithanwa okalyenge, oshinima shoka shoku tula omuntu etayela mothingo noku li tema. Shika oshi ipitilepo inaa ku tumbulwa nando osha .

Oshowo okumonika kwe ondjo momapogolo ogendji momumvo 2003, ngaka ga kwatelamo uumbudhi, uufuthi oshowo uulingilingi wu na sha nomafumviko.

Lamche pehulilo ina longa uuyuki moshinima shika mokuhokolola ehokololo lye endekela unene kombinga ye.Ehokololo alihe olyu udha omanyenyeto unene tuu sho omuArchbishop Desmond Tutu a talika nomeho omanene sho a li a indile Madikizela-Mandela opo a gandje ombili pethimbo lyiihokolola yoKomissi Yoshili Nedhiminathanepo ndjoka ya li ya dhikwapo konima yetekepo lyokatongo.
Okwa li iindilwa okugandja ombili pethimbo lyiihokolola yomumvo 1997.

(Omuntu oto kumwa kutya ngele nguka omunashipundi gwokommissi ndjika okwa li tuu naye iithanwa kaaningi yoofilima mbaka opo a kommende mofilima ndjika.

Ofilima ndjoka ya thanekwa uule womimvo mbali, ehokololo lye okwe li hokolola nawa tali hili omutali noku mu itaalitha unene tuu okuuka pehulilo mpono Madikizela-Mandela a gandja ombedhi ko ANC konima yaMandela omolwendopo lyomilandu dhayo oshowo omatidhagano.

(“Winnie” okwa ulikwa ongo omunapolitika ndele ehokololo lye inali hokololwa paumwene.
Onkalamwenyo ye yopetameko nondjokana ye kuMandela omanga nguka inaa tulwa mondholongo momvo 1963 ndjika oya gumwa ashike kashona shona.

Ofilima ndjika oya ngongwa nawa noku dhindwa nawa ku Giles Gardner noku yi ninga yi shi ku tumwa mombepo uule wominute 98 ombwaanawa oku talwa ku shaangoka.

Mokino ndjika iinima mbyoka iiwinayi hayindji tayi holokamo.

Shoka ando sha pumbiwa kombinga yonkalamwneyo nuuthiga waWinnie Madikizela-Mandela ooshika kutya ehokololo olya pumbwa okulongwa nalyo moshili yoyene ngaashi onkalamwenyo ye osho yili nosho yi shiwikilwe. Ofilima ndjoka yuudha omakwega nenge tayi tsana ngaashi ndjika no tayi hanyukitha noyina oombinga odhindji ngaashi omaukwatya gomukiintu ngoka tayi hokolola oyina okulongwa nayo pamuhingo naanaa gweholokepo lye ngaashi lili monkalamwenyo yuushili wesiku kehe.

LEAVE A REPLY

Please enter your comment!
Please enter your name here