Monika a nyola okambo okatiyali

0
148

KuPinehas Nakaziko

Windhoek – Omunyoli guumbo wohole, Monika Pinias, ngoka ena oomvula 26, osho a mana okunyola okambo ke okatiyali kedhina Love, Sex and Flight Tickets, shono tashi ti ohole, omilalo nokatekete kondhila.Pinehas Nakaziko okwa popi naye nongashingeyi ota nyola ehokololo ndika.

Haka okambo okatiyali taka shangwa kuMonika, sha landula sho ali a pititha okambo ke kotango kedhina Modern Relationships, mo2014, nokali ka leshwa koyendji.Mokambo haka okwa li a nyola noku shanga kombinga yomakwatathano gohole guuyuni wonena.
Etseyitho neuliko lyokambo kaMonika okatiyali otali ka ningilwa moshilando shaVenduka no moWalvis Bay, pehulilo lyomwedhi nguka.

Monika ngoka omvalele yaWalvis Bay okwa tamekele okunyola uumbo manga a li omushona, okuza komapandja gointaneta ta shanga kombinga yaagundjuka nkene haya kala moohole dhoshinanena, nokwali a hokithwa kaalanduli ye opo a tameke okushanga uumbo.
Okambo ke okape, Monika okwa ti otaka popi kombinga yokakadhona kedhina Victoria, hoka kiiyadha ka patekena muuyuni, nokena okukondja opo ka landule ondjodhi yako monkalo ndjoka ombwiinayi kiiyadha.

Monika okwa gwedha po ta ti okambo ke okatiyali okadhindwa nawa, oshoka kotango okali kena omapuko ogendji. Okambo okena etumwalaka ndyoka tali tungu, unene aagundjuka opo ya ninge omatokolo geli mondjila, ngele tashiya pomakwatathano gohole.

LEAVE A REPLY

Please enter your comment!
Please enter your name here