Nangolo ina hala ovanhu 278, vakanife oilonga

0
78

KuTuulikki Abraham

Rosh Pinah – Kansela woshikandjohoololwa shaOranjemund na Rosh Pinah Rasalus Nangolo ita popile nande omadilaadilo oo a fanekwa ko mhina ya Skorpion Zinc, ikufe ovanhu 278 moilonga.

Nangolo okwa lombwele Kundana pehovelo loshivike eshi kutya, okwa kundafana nova kwatelikomesho voSkorpion Zink Mine, oshoyo ovakalelipo vehangano lovanailonga, nelalakano a ude lela kutya, oupyakadi owa shike taukufifa ovanhu moilonga. “Onda lombwelwa kutya omhina ya Skorpion kaina omashina awana, onghee otai kufa ovanhu moilonga vefike 272, yo omhina tai etapo ehangano limwe olo lina omashina awana. Lo eli otali ka kuta ovanailonga vefike 450 ko kondalaka(contract).’ Nangolo a ulike. Ame ongomukalelipo wepangelo moRosh Pinah, ita ndi shi popile, shaashi osho otashi ulike kutya, ehangano loSkorpion Zinc ola hala okulongifa ovanailonga oilonga yombiliha, omo ovanailonga itaava mono nande omauwa asha. Oilonga yombiliha inai pumbiwa nande, no ndina oku ikeelela.” Nangolo osho a tumbula. Okwa lombwela ovakwateli komesho vomhina ya Skorpion Zinc kutya, kavena okukufa ovanhu moilonga, nomauwa avo, ashike osho ita shi imbi, ehangano li etepo okondalaka oyo ina omashina, yoo taikutu nee ovanhu kokondalaka vomwaaluwa ufike 172, uwede nee ovanailonga ovo veli 278, ndele haku va kufa omauwa avo, voo va aluke vakutwe ko kondalaka.

Okwa twikila noku yelifa kutya, ombelewa yaye oya yeuluka oku twikila eenghundafana doludi eli, noku li yoo ha yandje olopota yaasho tava kundafana kuNgoloneya woshitopolwa sha //Karas Lucia Basson, oshoyo ku Minista woilonga.

“Oinima yoludi latya ngaha otwa pumbwa oku ikeelela, osheshi ou omukalo ashike wovanhu vamwepo va hala okuli yambapaleka, paku etapo oKondalaka yoludi olo, omanga ovakwashiwana, ovo valongela nale omhina tavai moluhepo, noku ka longa kokondalaka, omukalo oo inau pumbiwa vali moshilongo.” Nangolo osho a kumaida.

Omukalelipo wepangelo okwa tumbulula kutya eenghundafana ota di twikile, nelalakano olo ena olokukalekapo omahupilo moshikandjohoololwa shaye.

LEAVE A REPLY

Please enter your comment!
Please enter your name here