Omimvo ethele konima lyeso lya Mandume (1894 – 6 Februali 1917)

0
81

‘’Aaingilisa ngele oya hala ndje ngame ondili mpaka.Otaya vulu oku ila ndje. Ngame itandi ka umba nando tango, ishewe ngame kandi omenye melundu, Ngame omulumentu kandishi omukiintu. Otandi ka kondja sigo oshikuti shandje sha hugunina. “Ojiheheya, yeengulu yeehama eso noupika shimue ashike). Oshihwepo okusa to kondjo okuyeleka noku ninga omupika gwaakolonyeki.’’ — Mandume Ya Ndemufayo

Omukwaniilwa Mandume oye lye ano?  Nguka okwa li omukwaniilwa gwahugunina gUukwanyama oshigwana shimwe shomiigwana yAawambo mboka yeli muumbugantu wAngola nomonooli yaNamibia.

Pehimbo Mandume Ya Ndemufayo a ningi omukwaniilwa omumvo 1911, Uukwanyama owali wa topolwa pokati kAandowishi naaPutu.

Pethimbo sho euvathano kombinga yoongamba pokati kaaNdowishi naaPutu lya kolekwa momasiku 30 Desemba 1886, oongamba ndhoka dha li dha thanekwa oshaningwa ashike inaa pu dhiladhilwa okukalekapo uukumwe pokati kOmaukwaniilwa gAambadja nAakwanyama. Putu okwa li a gandja ethaneko lyokutalulula euvathano lyoongamba lyomumvo 1894 pautho lyaandyoka Oshilongo shAmbadja shina okukala oshitopolwa sha German South West Africa mokupingakanitha noku kwatelamo Uukwaniilwa wUukwanyama meni lyoongamba dhaPortuguese West Africa.

Ihe oshinima shoongamba pokati kiilongo mbika iyali osha kala aluhe shina oontamanana osigo oosho aaPutu yeetha ethaneko ndika momvo 1901. Pethimbo ndyoka Uukwaniilwa wUukwanyama owa kala wa taalelwa komashongo okuza komapangelo gaakolonyeki ngoka agehe ga kambadhala okunwethamo aantu yiilongo mbika.

Euvathano okutulapo ehala lyaana mwene lyuule wookilometa 13 olya li lya kolekwa kaanambelewa yomapangelo gaali mesiku 3 Auguste 1909. Ndika olya li ashike elongekidho lyopakathimbo sigo ando uuna ndoka oshinima shoongamba sha uvathanwa noku manithwa ndele oshinima shika inashi ka kolekwa komapangelo ngoka gaali.

Pethimbo lyIita yotango yUuyuni Omukwaniilwa Mandume okwa mono oyo ompito ombwaanawa okunkundipika ewiliko lyaPutu muubugantu wAngola sho a ponokele uulando nenge omahala omashona moka mwali Aaputu.

Epangelo lyaPutu olya yamukula eshongo ndika lya Mandume moku tumina ko aakwiita yethike lwopomayovi 6000 sigo 7000 mewiliko lyondjayi Pereira D’Eca okudhenga Omukwaniilwa. Aakwiita ya Mandume oya ndopa okukankameka aakwiita ya Putu na oya li yeehamekwa noonkondo noku kanitha aakwiita oyendji molugodhi lwomasiku gatatu ndoka lwa ningililwe pOmongwa okuza 16 sigo 19 August 1915.

Epangelo lyAaIngilisa moSouth Africa olya mono edhengo lya Mandume pOmongwa ongo ompito ombwaanawa oku mu itaalitha opo a ye meuvathano nayo opo mbaka ya gamene Uukwaniilwa wUukwanyama kiiponokela yaaPutu.

Euvathano ndyoka lyashainwa mesiku 2 Septemba 1915 olya pula Mandume iinyengithe oshilandopangelo she okuza kOndjiva moAngola oku shi fala kOihole ehala ndyoka lya li muumbugantu wAngola naandika olya li kuumbugantu kashona nongamba ya German South West Africa.

Ndika olya li lyi indike Mandume okuwilika aalelwa ye mboka taya adhika kuumbangalantu wongamba.
Sho Aandowishi yiigandja moGerman South West Africa momasiku 9 Septemba 915,ewiliko lyaBritish South Africa olya taamba elongekidho lyopakathimbo kombinga yehala lyaana mwene koongamba dhiilongo mbika iyali mesiku 11 Septemba.

Mandume okwa tsikile ta wilike aantu ye meni lyoongamba dha Portuguese West Africa nomuKotoba 1916 aaPutu oya ponokele aantu yaMandume okumu geyela ndele oshiponokela osha simpi. Osheendo shiiponokela shika osha ndopa, naaPutu oya hingile ishewe Mandume iita mu mbyoka yo ya kanithile mo aakwiita18. Aaingilisa oya li ya tameke okutunga ontanda yaakwiita pOnamakunde meipopilo kutya otaye shi ningi mokupopila Aakwanyama onkene oya li kambadhala oku itaalitha Aakwanyama kutya yo inaya pumbwa okukala ya homata.

Mandume okwa tindi oku gandja iikondjitho ye noku vulika kewiliko lya South African naashika osha talikako ongo oshinima shomanganga .Okwa li a pulwa ngele ota shongo iita. Ye okwa yamukula kutya.

‘’Aaingilisa ngele oya hala ngame ondili mpaka.Otaya vulu oku ila ndje. Ngame itandi ka umba nando tango, ishewe ngame kandishi omenye melundu. Ngame omulumentu kandishi omukiintu. Otandi ka kondja sigo oshikuti shandje sha hugunina. “Ojiheheya, yeengulu yeehama eso noupika shimue ashike). Oshihwepo okusa to kondjo okuyeleka noku ninga omupika gwaakolonyeki.’’ — Mandume Ya Ndemufayo

Etanga lyaakwiita omathele 270 yaSouth Africa olya li lya tumwa kOwambo okuponokela Mandume pOihole mesiku 3 Febuluali 1917. Aakwiitta ye yeli lwopomathele 200 sigo 300 oya kambadhala okwii kanyuna aaIngilisa sigo oosho ooholo dhawo dha pupo.
Mesiku 6 Febuluali omasiku gatatu konima yokuponokelwa omudhimba gwa Mandume ogwa ka monika. Ehokololo lyaaSouth Africa otali ti ye okwa li a dhipagwa kondjembo yomashina. Ihe pahokololo lyopakana lyAakwanyama omukwaniilwa okwiidhipaga yemwene lyo otali ti ishewe omukwaniilwa okwa tetwa omutse, shika osha kolekwa komathano ngoka ga thanekwa konima yeso lye.
Elelo lyUukwanyama komukwaniilwa olya hulithwapo konima yeso lye nolya pingenwapo kongundu yomalenga.

Euvathano lyoongamba lyomumvo 1922 olya koleke kutya iitopolwa mbyoka ya li mehala lyaana mwene oya ningi oshitopolwa shAngola onkene uukwaniilwa wUukwanyama oshitopolwa oshinene osha kala moAngola nokatopolwa okashona kowala Kombadja oko ka thigala moAngola.Omusinda gwoongamba omupe nguka ogwa ka kolekwa momumvo 1928.

Oshilonga sha Mandume memangululo lyoshilongo osha kolekwa sho epandaanda limwe moVenduka lye mu lukilwa. Ndika olya tameka pehala mpoka puna oshikunino pwa tsikwa omilunga 12 dha kalelapo edhimbuluko lyaakwiita mboka ya silile miita yaMandume ndele ndika olishiwike kaaNamibia oyendji ongo edhimbuluthohala lyOmukwaniilwa Mandume.

Omukwaniilwa Mandume okwa simanekwa wo ongo gumwe gomapenda moku kondjitha uukoloni sho a pewa ewendo mehala lyomapenda gopashigwana kuumbugantu woVenduka a fumvikwa momukweyo gotango okuza mpoka pena omukwiita kee shiwike. Okwa simanekwa wo muAngola moka omahala gi ili no gi ili ega lukilwa. Okwa ningilwa wo ondhimbulutho pOihole omumvo 2002.
Okwa thanekwa wo oku ke mu ningila oshihongwathano moshilando Ondjiva shoka osho sha li oshilandopangelo shUukwanyama wopethimbo ndiyaka.

Omimvo ethele dhedhimbuluko lyaMandume odha dhimbulukiwa nawa koyendji moNamibia nomoAngola okuulika kutya Mandume oye ependa lyaantu yAfrica ndele ha lyaapopi yelaka lyOshikwanyama oyo ayeke.

LEAVE A REPLY

Please enter your comment!
Please enter your name here