Opolohalama yo Girls and Goals mOshana nuumvo

0
34

KuShipi Elago

OSHAKATI-Opolohalama ndjoka ya kala ashike momudhingoloko gwaVenduka yokatanga kokoompadhi kuukadhona nuumvo otayi ka patulula endiki epe moNooli moshitopolwa shaShana.

Pauyelele mboka twa mono okuziilila komuwiliki gwendiki ndika moNooli, Father Elemu owo mboka kutya opolohalama ndjika otayi ka kuthwa ombinga kuunona wuukadhona wuli moosikola moshitopolwa shaShana.

“Opolohalama ndjika oyi li oshitopolwa sha UNICEF shoku hwepopaleka onkalonawa yuunona wuukadhona uuAfrica mboka wa kala wu li konima yesiga ethimbo ele nolwindji owa pitililwa po komauyelele ga pamba omahumokomeho gopankalamwenyo,” Father Elemu ta ti.

Okwa ti uunona uukadhona otawu ka pewa omadhewo giinima ya kundukidha oonkalamwenyo dhawo ngaashi HIV/AIDS, nosho tuu okupitila momaudhano .

Opolohalama ndjika otayi ka patululwa momasiku 18 Maalitsa pokapale koIndependence Stadium mOshakati moka uunona auhe wuukadhona womoosikola adhihe dhomOshana wa tegelelwa wu ka kale wa kutha ombinga. Otaku ka kala kuna uudhano waadhani yaheyali kombinga yimwe ongoshitopolwa shepatululo.

“Opolohalama ndjika oya tameka noku ninga ethimbo ele moVenduka noyi li nale ya shendja oonkalamwenyo dhaakadhona oyendji onkene otandi indile opo oosikola dhi ka yamukule kehiyo lyetu.
Opolohalama ndjika oya kwashilipalekwa ku UNICEF,SPAR , SCORE Namibia naFIFA.

LEAVE A REPLY

Please enter your comment!
Please enter your name here