Oyendji ya nyana Meroro koFacebook

0
99

KuShipi Elago

ONGWEDIVA-Epandja lyoSocial media lyoFacebook lyaMeroro olya ningi esiku lyiipyakidhila konima sho Vikapita ‘Beast Master’ Meroro ali a gandja ombili molwedhengo li sithohoni Olyomakaya gaziko komukondjithi gwe Kevin Lerena.

Meroro okwa li a shanga kepandja lye lyoFacebook ta ti” Hello yantu ne ngame otandi gandja ombili omolwa okumuuvitha nayi. Onkene okuza mpaka otandi ti ethimbo olya thikana opo ndi thigepo uudhano woongonyo.’

Oyendji oya li ya mbombolokele kepandja lya Beast Master noku gandja omaiyuvo gawo, gumwe okwa li a yimo ta ti” omolwashike wa hala okuthigapo uudhano sho wa dhengwa? Kwali wu shi kutya mombokisa aantu ohaya vulu kudhengwa Vetaruhe Kandorozu, Kansela gwOkakarara okwa li naye a kutha ombinga kepandja huka moka ali a ti “Olutu lwoye olwo talu ku etele uudhigu, thikama wu ninge omadhewo eto kanitha po okapunda hoka oko ta ke ku imbi wu dhenge oongonyo dhuukilila, ethapo okulya onyama ontiligane shapitilila, ninga ho matuka kehe ongula ookilometa ntano, ikaleka kokule niikolitha ngoye takamitha ookuume koye nenge wu konge po yamwe aape mboka taya vulu okutungapo onakuyiwa yoye mombokisa, tsikila ngoye natango omudhani omwaanawa”.

Nando aalanduli yaBeast Master oye li ya lya moonyandi sho a li eetha uudhano pamukalo gwanika uukatalume oyendji itaya popile edhilaadhilo lye lyoku ethapo uudhano nota ye mu kumagidha opo a talulule edhilaadhilo lye oshoka natango okuyele opo eethepo uudhano mbuka. Uuyelele mboka twa li twa mono po otaku tiwa Meroro ota shi vulika a ka kale inaa futwa oshimaliwa she shuudhano mbuka oshoka okwa li eu hulithapo pahalo lye mwene, na kapwali omaehamo gasha taga tula onkalamwenyo ye moshiponga.

Olwindji omuhiki hiya oye ena ngeno uuthemba okuhulithapo uudhano ngele omuBokisi okwa dhengwa shinyanyalitha nokuna omayehamo taga vulu okufala uundjolowele we moshiponga.

Meroro okwa li a hulitha po olugodhi lwawo na Kevin Lerena muule womunute gwotango gwedhingoloko etitano.

LEAVE A REPLY

Please enter your comment!
Please enter your name here