Ta munu oohi

0
87

KuLoide Jason

Ongwediva – Tobias Kuutumbeni, omunangeshefa a tseyika nawa mOshakati osho wo moshitopolwa shaShana okwa thaneka okufula oodama odhindji miitopolwa yilwe opo a mune oohi momahala ngoka.

Kuutumbeni ngoka eshiwike nawa, nedhina ‘Toppy’, okwa hupa odama yevi popepi nehala mpoka ha longele naandjika pethimbo ndika ota ti olina oohi konyala dhili lwo pomayovi gethele limwe.

Okwa ti pethimbo omvula ya loko okwa li a koneke etondoko lyomeya ogendji taga piti pehala lye onkene okwa tokola okufula po odama ndjoka tayi vulu okupungula omeya nopethimbo ndyoka muyo otamu vulu okufulwa ehala lyuule woometa hamano moka tamu tulwa oohi.

Kuutumbeni okwa tameke ihe okuhupa etale ndyoka muKotoba omumvo 2015 naandika okwa li eli manitha mu Maalitsa omumvo gwayi.

“Onda li nelago oshoka konima ashike yoku mana okuhupa yo omvula otayi tameke nodama oya li yu udha sigo oko mu lungu” Kuutumbeni a ti.

“Sho odama yu udha onda koneke kutya omwa li muna oohi odhindji nonda tokola okulanda iikulya yoohi mbyoka yi na oovitamine noohi odha koko noku indjipala.” Osho a ti.

“Onda kuminwa komukalo ngoka oohi dhi indjipala methimbo efupi.
Onda kumikwa kushika na onda thaneka okutulapo iilambo iishona omanga odama ndjika tayi kala onzo yomey. Kandali ndeshi tegelela,” Kuutumbeni a ti.

“Oohi otadhi kala noku indjipala ngele owe dhi pe iikulya yopaunongononi yin a oovitamine noya longelwa oohi,” osho a ulike.
Oha landa iikulya mbika okuza koSouth Africa, oshoka okuyi landa muka oyi na ondilo unene. Okwa ti sigo oompaka okwa longitha oodola N$35 000 miikulya yoohi.

“Nuunongo mboka ndina wokufula oodama, onda tokola okuwu gandja wo koshigwana, moku fula oodama tandi longitha oonzo dhandje mwene.” Osho Kuutumbeni a ti ngoka wo ena ongeshefa yedhina Bush Bar mOngwediva.

LEAVE A REPLY

Please enter your comment!
Please enter your name here