Tseya aadhanitanga yoshilongo shoye-Eiro Shipalanga

0
57

KuShipi Elago

OSHAKATI-Kundana ota tsikile noku eta aadhani aaNamibia koshigwana sho shi ya tseye.
Oshiwike shika Kundana ote ku etele Eiro Shipalanga , okamati komimvo 21 haka dhanene mosipana yoYoung Chiefs mOshakati.
Shipalanga okwa tameka okudhana okatanga kokoompadhi omanga lela ena omimvo 13 a tamekela moshiputudhilo shaKhuse Football Academy.

Manga a li ta dhanene moshiputudhilo sha Khuse , osipana yoAfrica Motto oya li yemu landako noku mu eta kosipana ndjoka pethimbo ya li hayi dhana koSecond Division.

Shipalanga koAfrica Motto okwa li eendeko ashike oomwele dhamutenga oshoka okamati okena oshitalenti oshiwanawa onkene mo 2016 osipana yoYoung Chiefs oya li yemu landapo noku mu eta koAmathekie.

“Okoola yandje yotango mokambindja koYoung Chiefs ondali ndeyi tula osipana yoUNAM FC’.Congo Hindjou oye omudhani ndi hole moNamibia oshoka ondi hole uudhano we pethimbo a li omudhani tanga, nokuna aluhe esindano komutima ngele ta dhana nonda hala aadhani ayehe ya kale ngaaka,”Eiro Shipalanga ta ti.

‘Ohandi dhana mokati kokapale mo omo handi ponoka okuhomona okoola yaakondjithi yetu”.
Okatanga kaNamibia otaka ende ta ka koko otwa pumbwa ashike tu tulemo oshimaliwa oshindji opo oliha yetu yi kale yi li pondondo yopombanda. Ondina ondjodhi yokudhanena Kaizer Chiefs yaSouth Africa, oshoka oyo handi yambidhidha koEngland ohandi yambidhidha osipana yoManchester United. Onda mbendekwa okakalata okashunga kamwe muule wethimbo nda dhana moPremier League.

Ondina ookoola 10 muudhano woPremier League notandi longo nda manamo opo ngele oliha ya galuka ndika kwathele osipana yandje nomasindano.

LEAVE A REPLY

Please enter your comment!
Please enter your name here