Uudhano woAteletika miikandjolongo Oshakati nOmpundja we enda nawa

0
56

KuShipi Elago

OSHAKATI-Ongundu onene yaanasikola ya za miikandjolongo mbika iyali oya li ya holoka Olyomakaya gaziko pokapale kaShakati methigathano lyoateletika, okwiilongekidhila ethigathano lyoshitopolwa shaShana.

Konyala oosikola adhihe dhomiikandjolongo mbika odha li dha tumu uunona wu kuthe ombinga muudhano mboka tawu tothamo mboka taya ka kalelapo iitopolwa mbika kethigathano lyaayehe lyoshitopolwa shaShana.

“Uunona owiitulamo muudhano mbuka na otashi ulike kutya onakuyiwa yuudhano woateletika oyi li momake omawaanawa,” Luewlyin Koopman ta ti.

Okwa ti iikandjolongo mbika iyali oyina omwaalu omunene guunona hawu kutha ombinga momaudhano gomeni lyokapale ngaashi okuumba egonga(javeline, discus, shot put high jump oshowo long jump, oshinima shoka sha pumba koosikola odhindji miitopolwa yokoNooli.

Ethigathano lyoshitopolwa sha Shana olya tengenekwa tali ka kalako momasiku gane gaMaalitsa 2017 pokapale koIndependence mOshakati moka iikandjolongo ayihe yomOshana ya tegelelwa yika tsakanene opo yi tothemo osipana yoshitopolwa ndjoka tayi ka kutha ombinga muudhano woshilongo.

Nando uunona owundji otawu ulike inaa wu longekidhwa nawa ngele tashiya pomizalo dhomaudhano sho wumwe womuwo wa li tawu matuka noombulukweya oonde nowundji otawu matuka noompadhi kondje shika inashi simpika ombepo yuudhano.
Luewlyin okwa koneke wo kutya oosikola odhina okulonga oshindji okulonga uunona oompango dhuudhano mbuka, oshoka olwindji oya kala noku pa uunona oompango nkene yena oku matuka.

LEAVE A REPLY

Please enter your comment!
Please enter your name here