Yashe Tati Pii a pititha ‘Omuthigona Ashuma’

0
381

KuPinehas Nakaziko

Windhoek- Omuimbi gwoongalo dho Afro Pop, Annanias Shiimi a tseyika nawa moongalo nedhina Yashe Tati Pii osho a pititha oalbuma ye ontitatu yedhina Omuthigona Ashuma.
Oalubuma ndjoka yi nehwata lyoongalo 16 otayi popi kombinga yiinima ayihe mbyoka iiwiinayi tayi ningwa moshilongo ethimbo ndika.

Moalubuma muka otamu adhika ngaashi eimbilo ndyoka lyalukilwa oalubuma yedhina Omuthigona Ashuma, tayi popi nkene omusamane ngoka ena oluhepo ha kambadhala okwiipalutha ye mwene.

Ongalo ndjoka Zakoshipundi yili ponomola ontiyali otayi kumagidha opo aantu ya ze momutumba opo ya wape okwiinyangela. Otamu adhika ishewe ongalo yedhina Uuteku, tayi imbi kombinga yaantu mboka ya kokela pomaliko, etaya iyadha ya ninga aakolokoshi.

Oalbuma ndjika yi na omulyo gwoongalo omwaanawa oya ningilwa omikwelengendjo ku M-Jay, Maj Beats, Asia, K Ketu na Tommy koLight Sounds nokuMbombota. Yashe Tati Pii okwa ti oalbuma okweyi pititha kohi yehangano lyemwene, lyedhina Yolupangi Records.

“Ndjika oyo oalubuma yimwe yi na omayimbilo taga tungu googena etumwalaka tali pukulula oshigwana,” Yashe Tati Pii etu notheleko ngaaka.

Yashe omvalele yomOngandjera, momukunda Uukuni moshitopolwa shaMusati. Okwa tamekele okushanga omaimbilo ge okuza mo 2008. mo2010 opo a tameke oku kwatitha omaimbilo ge koostudio dha yoolokathana.

Oalbuma ye yotango oyoFolomana ndjoka yapitile mo 2013, noyiholike koyendji. Yashe omuiimbi nomuwiliki guunongo we ngaashi piituthi yayoolokathana, no hiitulamo miilonga ye.

Ngaashingeyi okwa tegelelwa opo aka ulike uunongo we moSwakopmund Etitano ndika poMeduletu Community Hall.

LEAVE A REPLY

Please enter your comment!
Please enter your name here