McBright Kavari ota ka ulika oonguwo moKenya

0
79

Pinehas Nakaziko

Windhoek – Omunduluki gwiizalomwa omuNamibia a tseyika nawa nedhina McBright Kavari onkene ta tsikile okutula oshilongo pomuthika gwopombanda noshitalenti she shokukonda oonguwo.

Shika osha holoka ishewe sho McBright a li a hogololwa opo a ka ulike oonguwo dhe ndhoka opo a kondo nokunduluka koshituthi sho kuulika oonguwo shoMashAfrica Designs no Style Week tashi ka ningilwa moMombasa, Kenya.

Oshituthi shika otashi ka ningilwa poFort Jesus Museum okuza muMaalitsa 20-25. Oshituthi shoMashAfrica Designs no Style Week otashi ka ulika aanduluki yiikutu yaza muAfrica yeli14, naamboka yaza kiitopolwa ya yoolokathana moMombasa yeli 16.

Moshituthi muka otamu ka kwatelwa ishewe aailongi mokukonda nokuthaneka iizalomwa yeli 10 yaza kiiputudhilo ya yoolokathana moMombasa.

Oshituthi shika otashi ningwa nelalakano okugandja onkatu ombwaanawa kaahondji opo ya ulike uunongo wawo yo ya tseyathane.

McBright okwa ti ota ka ulika oonguwo dhaadha puhamano dhoshiAfrica. Okwa gwedha po ta ti ye ote kiilonga mo oshindji mwakwatelwa uunongo mboka a hala eete moshilongo.
Kale kwaashoka, McBright okwa ithanwa ishewe opo aka zaleke uukadhona dhingi mokweenda mboka tawu ka kuthombinga methigathano lyoMcBright Miss Tourism moSouth Africa, noonguwo dhomithigululwakalo dhaNamibia.

 

LEAVE A REPLY

Please enter your comment!
Please enter your name here