Olusheno lomhepo otali ka pwa diva moLüderitz

0
97

KuTuulikki Abraham

Lüderitz – Olusheno olo tali ka longwa komipepo la shivika nedina Ombepo Wind Farm, okwa teelwa lika manifwe diva kehangano lo InnoSun Energy Holding, nokwa tengenekwa tali ka longifwa lopexulilo la Mai neudo modoolopa yaLindili.

Omuinginia woInnoSun, Alexandre Matton okwa lombwela Kundana kutya oprojeka yoWind Farm oya holokapo melimango kumwe loInnoSuna Energy nelelo lodoolopa la Lüderitz, omo elelo lodoolopa ei lina mo oipambuliko moilonga yolusheno olo talika etwa po okudililila momipepo oto tadi tanaunwa komhepo.

Ta tumbula kutya olusheno otali ka hololwa po komipepo dakula, odo tadi kakala nokupepa opo olusheno lidule okulonga. Oilonga yoku longa olusheno okudilila pomipepo , oya hovelele pehulilo lodula yaya, nokwa teelelwa tai ka manifwa lopehulilo laMaalisha neudo.

Oilongifo imwe oya fika nale petuliloskepa laLüderitz pehulilo la Januali 2017, nokwa teelelwa oilongifo ikwao tai kakala ya fika lela kwatoka, okuya lwo pehulilo laMaalisha neudo. Matton osho a kufilako Kundana.

Ta tumbula kutya oilango aishe noku longekida onhele oko ta ku dikwa omhipepo domhepo, otai kakala ya manifwa muMai neudo.

Ovakalimo vomo Lüderitz otava kakala va mona elao olo loku longifa olusheno, olo talidi momipepo domhepo, nokwa talika tashi kakala shina ombiliha neenghono, okuyelekanifa nofuto oyo hai futwa olusheno mefimbo lopaife.

LEAVE A REPLY

Please enter your comment!
Please enter your name here