Young Legend uuvaneke okuhika oongalo oombwanawa

0
120

KuMaria Namupala

ELOMBE – Omuhikingalo Eliaser Kandume a tseyika nawa Young Legend natango onkene ta kondjitha okuyambula po oshipewa noshitalenti she shoku hika oongalo.

Young Legend ngoka a za momukunda Elombe muumbangalantu woshilongo, pethimbo ndika okwa pititha uungalo uyali mbono a ti ohawu uvika kooradio oshowo komalungula.Okangalo kotango hoka a pititha otaka ithanwa I need your love, hono ati okwe ka hikila aantu mboka yeli mohole.

Okwa gwedha po kutya okangalo hoka opo, eka pitithe okwe ka dhiladhila ethimbo ele, nokushangwa uule womwedhi. Okangalo okatiyali ota kiithanwa Telefina, hono ta ti okopamuthigululwakalo.

Mokangalo haka okwa kwathelwa kaahikingalo ngaashi Tsempo oshowo M-Shine, pethimbo ndika okwiipyakidhila nokukwata oongalo dhe kostudio ya DJ King Mex, ngono te mu kwathele okutula ayihe pomahala ye a kale a pithitha oalbuma ye muApiilili nuumvo.

“Oalbuma ndjoka nda thaaneka ndi pitithe onda tokola opo mu kale oongalo dhili 12, onda hala okushi yeleka kutya meme oye unene ha tsu ndje omukumo opo ndi hike oongalo dha ndje nda manguluka, odhindji dhomoongalo dha ndje odholudhi lwoRNB, kwaito oshowo Hip hop,” ta ti ngaaka.

Young Legend oye omwiilongi momvula ontiyali moshiputudhilo sho Namibia University of Science and Technology (NUST) moVenduka, notiilongele onkatu yo Bachelor moShiingilisa. Oongundu dhopevi okwedhi ilongele pElombe nokwa ka tsikila kosekundeskola yaNehale, hono oko a kala tiidheula okuhika oongalo.

Okwa ti okwa tokola okuetela aaholi yoongalo dhopashinanena nodhili pethimbo, ye teya pe etumwalaka lina omulyo mokupulakena oongalo dhe. Okwa ti okwiilongekidha okukwathela aahikingalo ooyakwawo mboka ya pumbwa ekwatho lye.

Ta gwedhapo kutya aluhe etameko ohali kala lya dhigupala, ashike uuna omuntu eshi shoka ta lalakanene nena ina pumbwa okuteka omukumo ndele na ye ashike komeho, molwaashoka esikulimwe naye otaka sindana mwaayihe.

Okwa pula elongelo kumwe maahikingalo aaNamibia, yo taya kala taya pukululathana, yo ya yande okuhika oongalo ndhoka tadhi negathana. Young Legend ta ti kapuna oshinima hashi longwa pwaana omashongo, ashike agehe ohaga vulu okukondjithwa nokutaagulukwa.

LEAVE A REPLY

Please enter your comment!
Please enter your name here