AaMuthiya ya kundathana kombinga yomatulululo

0
106

KuMaria Namupala

OMUTHIYA – Aakalimo yomomidhiingoloko dhili mooha dhondoolopa yaMuthiya oyali longekidha oshigongi nokukundathana omashongo ge ya taalela Etitano lya zi ko. Oshigoni oye shi ningile pomugongo gwiigongi mondoolopa ndjoka.

Oshigongi shoka osha ningwa kaakwashigwana yoyene nelalakano lyokwiikunda omatulululo gaamboka, yeli pomahala mpoka pwa thaanekelwa omahumokomeho nomayambulepo gondoolopa.

Aakwashigwana oyendji oya holola okwaa na ombili kwawo omolwelelo lyondoolopa ndjoka, taya holola kutya otaya nyokomwa. Unene mboka taya tulululwa, taya popi kutya oyendji ohaya pewa owala oshimaliwa oshishona unene. Moses Amukoto ngoka eli omupopiliko gokangundu hoka taka ungaunga naamboka ya gumwa koshikumungu shomatulululo, okwa yelitha kutya aakwashigwana oya kala taya nyokomwa kelelo lyondoolopa, haya pewa owala oshimaliwa oshishona go omaliko gawo ihaga kala ga kwatelwa mo.

“Otwa hala aakwashigwana yetu ya kale ya tonata nuuna taya tulululwa oyeshi omilandu ndhoka yena okulandula, naashoka yena okutaamba, otwi ikunda iinima oyindji ashike otwa hala okushi yeleka kutya katu li ompinge nomahumokomeho ngoka ta geya mondoolopa, ashike otwa hala iinima yeende pamilandu ndhoka dhilipo,” Amukoto ta popi ngaaka.

Amukoto ta ti elalakano kali na sha shimwe ihe okwiikunda owala, yo taya tala woo dhimwe dhomomikundu ndhoka dheya palamena noku pashula oshigwana shi kale sha kotokela omanyokomo.

Oyali woo yiikundu kombinga yoshinima shoofuto dhaakwashigwana mboka taya kuthwa pomahala gawo, ta ti molwaashoka mboka ya tembudhwa moomvula dha piti inaya futwa ngaashi shina okukala, molwashoka aanambelewa yelelo lyondoolopa inaya landula omulandu ngoka gwa tulwa po.

Aakwashigwana oya holola kutya aantu yamwe omahala gawo oga metwa ashike iinima yawo yilwe inayi kwatelwamo momiyalu ndhoka dha metwa, oya pula elelo lyondoolopa li mane okufuta mboka yomikunda dhimwe mboka inaaya futwa natango omolwetembudho ndyoka.

Oya pe elelo lyondoolopa uule woomwedhi hamano li kale lya futa iimaliwa yaantu, nongele hasho otaya katuka onkatu nziya,

Amukoto ta indile opo pu ye omulandu omupe gu na sha nofuto yaakwashigwana uuna taya kuthwa pomahala gawo mpoka ya kala uule wethimbo, molwaashoka omulandu ngoka gu li po ngashingeyi ogwa kulupa, yo oya hala mboka taya tembudhwa ya kale ya pewa ehala mpoka taya tembukile mbala, molwashoka oya holola kutya yamwe ohaya ka mona iihuna.

LEAVE A REPLY

Please enter your comment!
Please enter your name here