Elelo lyOndangwa lya longekidha iigongi

0
79

KuMaria Namupala

ONDANGWA – Omupopilko gwelelo lyondoolopa yOndangwa Petrina Shitalangaho, okwa ti elelo olya longekidha iigongi yowina mono taya talele po omahala nomalukalwa go mondoolopa ndjika.

Moonkundathana naye kuyele oshiwike shika, Shitalangaho okwa ti iigongi mbika oya tamekele oshiwike sha zi ko, nokwa thanekwa yi kale ya pwa momasiku 9 Maalitsa nuumvo.

“Elelo lyondoolopa olya thaneke iigongi mbika petameko lyomumvo tse twi ikunde naakwashigwana omathaneko ngoka tu na kombinga yomahumo komeho nomayambulepo gondoolopa yetu, aluhe ohatu ningi iigongi momalukanda agehe tse tatu tala mpoka twa pumbwa okwe endekulula,” Shitalangaho ta ti.

Shitalangaho okwa pula aakwashigwana ya kuthombinga miigongi mbyoka, yo taya tsakanene woo naa niilonga yelelo lyondoolopa.Iigongi mbyoka oya thanekelwa komahala nomalukalwa ngaashi Onantsi, Okapya nOshitayi, hono elelo lyondoolopa naakalimo ta ye kiikunda omathaneko netanununomo lyoongamba dhondoolopa ndjoka.

Aanambelewa yelelo lyondoolopa oshowo ookansela dhelelo lyOndangwa otaya ka tseyithwa noku ulukilwa oshigwana komahala ngaashi Ondiiyala, Omakulukuma nOmashaka. Ta indile opo aakwashigwana ya kale ya holoka kiigongi mbyoka yo ya gandje wo omathaneko nomadhiladhilo gawo ga nkene yena okuyambulapo ondoolopa yi kale tayi hi li aatalelipo.

Shitalangaho okwa gwedha po kutya komalukalwa hoka kwa ningwa iigongi tango, aakwashigwana oyu ulike eitulemo lyawo noyali ya holoka momwaalu omunene. Ta ti oya gandja woo omathaneko gawo nelelo lyondoolopa olye shi pandula.

Okwa pula wo omalukalwa hoka inaaku ningwa natango iigongi ya kale ya tegelela ngaashi eigidho yeli pewa, yo taya yi moonkundathana.

Ta ti aakalimo ayehe yomiitopolwa ya tumbulwa oya tegelelwa ya holoke ngaashi sha holoka momahiyo.

“Iigongi mbika oya simana onkene eholoke po lyaakwashigwana olya pumbiwa unene, twaa na aakwashigwana ondoolopa yetu itayi vulu okukoka molwaashoka otwa pumbwa omadhiladhilo nomathaneko gawo mokuyambulapo oshilando shetu,” ta gwedhapo ngaaka.

Okwa ti wo elalakano oya hala woo ondoolopa yi kale ya yela, notaya ka kala ya tseyitha mbala omahumokomeho mondoolopa ngoka ya thaaneka pethimbo ndika.
Ta pula aakwashigwana ya tsikile nokwiiyutha komilandu dhondoolopa ndhoka dhili po.

LEAVE A REPLY

Please enter your comment!
Please enter your name here