Ngame kandishi gwoopolitika oombihu-Shivute

0
535

KuLoide Jason

ONGWEDIVA-Omulanduli noshilyo shoSwapo moshitopolwa shaShana okuli ta tsu omazima sho anuwa a kwatwa mo manga ali ta kambadhala la okufikila ontopa omukwaSwapo omukwao.

Sigo Amunyela okwa hokololwa anuwa a yi kOshikoto hoka a ka popya oohapu dhaafele, monkambadhala okunyateka edhina lyomukwatakanithi gwoSwapo mOshikoto Armas Amukwiyu.

Ashike oompangela dhe odhe ende nayi sho ngoka a lombwele oohapu a kwata ewi lye nokupwiikinitha aakwaSwapo ooyakwao.

Amunyela anuwa okwa yi komunashipundi gwokansela mOshikoto Samuel Shivute nelalakano lyokukakonga uuyelele noku unganeka, oshoka
Omupya gwaAmunyela, Shivute anuwa okwa longitha okakwatamawi pethimbo lyookunkundathana dhawo, shoka kaashali pantseyo ya Amunyela.

Sho nduno Kundana a popi naye, Amunyela okwa ti ye ita ti ko sha koohapu ndhoka, Kundana na kapule ngoka a kwata oonkundathana dhawo nokudhi andjakaneka oshoka ye keshi elalakano lye.

Armas Amukwiyu okwa ti ye kena ethimbo noohapu ndhoka tadhi teyagula po oshigwana ye okwa ipyakidhila naashoka tashi tungu ongundu Swapo.

“Ngame kandina uupyakadhi na Sigo shila oye ena uupyakadhi nangame ngaashi ta popi mokakwatamawi hoka. Ihe ngame ngele onde mu mono otandi mu popitha ashike ngaashi shito,” Amukwiyu a uvaneke.

Shivute ngoka taku ti oye onzo yokakwatamawi okwa ti kutya ye okwa kwata oohapu ndhoka oshoka kena ethimbo niihapu yopolitika inaayi ngushupala.

“Kandi na oshindji okutya, shaashi ngame kandi shi omupopiliko gwaSigo, kombelewa yandje oye ya ko momasiku 13 Feb. 2017, ye li namukwawo gumwe, anuwa otaa ziilile kOtavi ya li ye na ko oshigongi.

Kandi shi nee kutya kungame oye ya ko nelalakano lyashike, noya tumwa kulye,” Shivute a ti ngaaka.

“Oshikwawo omusamane Sigo ke shi gwomoshitopolwa shetu shaShikoto.
Ngame ishewe kandi shi gwopolitika ombihu yokutopola Aanamibia,” Shivute ati ngaaka.
Ewi ndyoka ngashingeyi tali taambathanwa mokati kaakwaSwapo anuwa olili uumbangi kutya Amunyela oye omupopi gwoohapu ndhoka.

“Ngaye mwene aantu yOmoshikoto inandi yiigilila,ashike onde ya kungoye oshoka Kamaranda ngoye onde ku inekela na onda hala ndi kulombwele kutya aanenentu moSwapo oya hala uuyelele,” ngoka ogeli gamwe gomomatumbulo omatetekeli mokakwatamawi hoka ka pulakenwa nokuKundana.

Amunyela okwa lombwele Shivute kutya anuwa opena uuyelela kutya aantu yamwe oya hala ya ka kondjithe oshipundi shuupresidente.

Sho a pulwa kuShivute ngele okwa ende ko nale ku Amukwiyu ngoka eli omukwatakanithi gwongundu mOshikoto, emu lombwele ompangela ndjoka, Amunyela okwa yamukula kutya:
“Comrade cordineita ye mwene, ina pumbwa eshuuve. Owu shi kutya oye gumwe gwomwaamboka ya longekidhile ohango ya Presidente Hage.

Oshinima shoka osha eta etopoko. Otandi popi komeho goye kutya, ina shi pumbiwa comrade Amukwiyu eshi uve,”

Amunyela a ti ngaaka mwaambyoka ya uvika mokakwatimawi, ye ta endulula mo natango kutya ye okwali owala a tumwa oku unganeka mOshikoto kutya Presidente Geingob na shune ko koshipundi.

Ta ti pakutala, kakele ka Amukwiyu, kape nande ogumwe moshitopolwa shaShikoto ta ulike eli ompinge nOmupresidente.

“Shi nda popi mpano owa uva ko ngaa kutya onda hala okutya ngiini comrade? Kandi wete wa uva ko kaya?” Amunyela osho a ti ye ta yolo.

Ehokololo olya kumitha aalanduli yoSwapo mboka ya ti oya haluka kuAmunyela sho a pilukile po kuume ke kopothingo ngoka oyendji ye mu tseya okupitila muAmukwiyu.

Shivute okwa lombwele Kundana ta ti “ngele ota ti kutya oohapu inaadhi opala ta dhi popilwa, hailwa Armas Amukwiyu ine dhi uva;  ngame ote shi lombwele ndje nee ndi shi longithe shike.”

“Ngame onda koneke kutya shi taa popi kashi li muuwanawa woshilongo, onkene nda longitha ‘okakwatamawi’, opo shi kale ngaashi shazi momakana gooyene.” Okwa ti wo ye Amukwiyu okwe mu tseya nale-nale na Sigo okwe mu tseyithwa ku Amukwiyu, onga kuume ke andola.

“Hailwa Armas Amukwiyu, sho nda kala ndi mu shi; osho ngaa e li ndongo onena, inandi koneka sha sha puka mu ye; no inandi mu limbililwa nande nande.” Shivute ta ti.

LEAVE A REPLY

Please enter your comment!
Please enter your name here