Oshivilo shomakolofish otashi wanifa eedula 10

0
49

KuTuulikki Abraham

Lüderitz – Oshivilo shoipindi sho komudo, shoMakolofishi oko shi li muApilili neudo.
Eshiivifo loshivilo eshi ola ningwa kOmupedu Minista wEeshi nEedjo domefuta Omundohotla Samuel Chief Ankama, eshi ninga ponhele ya Minista wEeshi nEedjo domefuta Bernard Esau.

Ankama okwa shiivifa oshivilo eshi Etitano la djako pefimbo louvalelo wokushiivifa pambelewa oshuufanene eshi sho Makolofishi.Omatelekela aa okuongelela oshivilo eshi oshimaliwa okwa ningilwa mo Nest Hotel moLüderitz.

Okwa shiivifwa oshivilo eshi tashi ka kalako okuhovela momafiku 27 Apilili fiyo omomafiku 02 Mai neudo moLuderitz.Neudo oshivilo eshi shomakolofishi otashi wanifa omido omulongo.

Mayor wodoolopa yaLüderitz Hialria Mukapuli okwa shiivifa kutya oshivilo sholudi eli okwa didilikwa sha kala tashi xumu nawa komesho oule weedula adishe oto twa dja.

Noneudo, okwe lineekela kutya otashi ka kala shi li pomufika wopombada, shaashi ovakwateli komesho melongekido oveli tulamo neenghono.

Mukapuli okwa tumbula kutya oshivilo shoipindi shokomudo, omo, ovanangeshefa vopetameko novopokati hava mono omhito yoku ulika oipindi yavo.

Okwa indila omahangano opaumwene, naa opapangelo, opo a longife omhito yatya ngaha moku shiivifa omayakulo avo.

Oshimaliwa eshi sha ongelwa pefimbo louvalelo osha fika N$442 000.
Oshiindingili oshali tashi wilikwa komunamashendjo Neville Basson. Naavo vali mouvalelo omo ovali ta va teka koindjola nokoiyolifa oyo yali tai popiwa ku Basson.

Omuimbi Richard Meyer oye ali ta mwenyeke, ouvalelo ou neengalo unene tuu domeedula domilongo hetatu.

LEAVE A REPLY

Please enter your comment!
Please enter your name here