Va yandja omaano keongalo laExodus

0
127

KuTuulikki Abraham

Lüderitz – Eumbo laDaniel Kali moWindhoek, ola yandja omaano N$12 000, kongerki yaELCRIN meongalo laExodus moLüderitz.

Kali okwa tumbula kutya ye nomukulukadi waye Maenge otava yandje oshimaliwa osho, monghendabala opo ku manifwe etungo longeleka olo leli pyakidilwa nalo efimbo ele.

Kali okwa ningi eshiivifo eli poshivilo shepako lomunangeshefa Imbili Martin mOlomakaya la ya. Epako la Martin ola ningilwa motenda yopashinanena, shaashi ovanhu ovali vahapu, nomongeleka ya Exodus itava wanemo, yoo ongeleka ei yeli pyakidilwa nayo nokutungwa, inai manifwa natango.

Kali okwa tumbula kutya yee ongomukwaneongalo laExodus, nokwa putukila moLüderitz, oku wete shafimana opo yee neumbo laye va tenekeko omake avo, kudule oku endelelifwa nokumanifwe etungo longeleka, oyo tai dulu okuwana ovakwaneongalo. Okwa yelifa kutya eyandjo lomaano eli olili yoo ongomukalo wokushunifa sha meongalo no moshiwana shomoLüderitz, eshi vakala noku tu kwafela opo tuye ponghatu opo tuli paife.

Omufita weongalo Petrus Van Zyl, okwa pandula unene eumbo la Kali eshi la yambidida okumanifa ongulu yOmwene.

Van Zyl okwa tumbula kutya eshiivifo eshi la ningwa Olomakaya, Oshoondaha eongalo ola shiivifilwa kutya eumbo laKali ola yandja omaano ku manifwe etungo longeleka, ovakwaneongalo oshoyo ovakulunhuongalo ova pandula neenghono.

Omufitaongalo okwa halele eumbo laKali, omayambeko, ta ti nava twikile noku kwafela, ina ve shi efa.

Van Zyl, okwa indila ovakwaneongalo va kufe oshiholelwa shiwa keumbo la Kali, va kendabale okuyambidida opo ku manifwe diva etungo longeleka olo la kwata efimbo lile.

LEAVE A REPLY

Please enter your comment!
Please enter your name here