Exit a tseyitha oalbuma ye

0
518

KuPinehas Nakaziko

Windhoek- Omuimbi gwoongalo dhoKwaito David Shikalepo, a tseyika nawa Exit, osho a tseyitha kutya oalbuma ye ndjoka ya kala ya tegelelwa otayi piti pehulilo lyomwedhi nguka.

Exit ngoka a kala noku enda mpaka naampeyaka, unene tuu pondje yoshilongo, okwa kala noku uvanekela oyendji kutya oalbuma ye otayi piti nuumvo. Oshiwike sha yi okwa holola kutya oalbum yedhina Cum Laude otayi ka etelela oshindji, ishewe, oya tengenekwa yika mwenyeke nuungalo wawo mboka uuwanawa.

“Onda kwata ethimbo oku ninga oalbuma ndjika, nondiwete kutya aaholi naalanduli yandje otaa ka nyanyukwa nawa oku yi pulakena,” Exit ta ti ngaaka.

Okwa ti omulyo gwoongalo dhe ogwa kwatela mo ndhoka oompe noonkulu, noalbuma ndjika otayi ka kala yina uuCD uyali, moka tamu ka kala muna uungalo 19 kehe moka CD.
Exit okwa ti okwa kala mehangano lyoongalo ethimbo, ngashingeyi noku wete a koka noongalo dhe odha thika pomuthika gwopombanda.

Moalbuma ndjika Exit okwa longa naa ningi yomikwelengendjo ngaashi Elvo, Kboz, Neslow, DJ Chronics na MJay.

Okwa kwathelwa ishewe okuimba kaahikingalo ngaashi AJ Fresh, Neslow, King Biko, Tswazis na MJay.

Oongalo tadhi nyanyudha ongaashi “Déjà vu”, ndjoka oyo ongalo yimwe yi holike kuExit, “I just died in your arms tonight,” “Come over” na “Komesho” moka ta kwathelwa kuTswazis. Ota ti oalbuma ayihe oyina oongalo ombwaanawa, naaholi yoongalo dhe naya kale ye yi ilandela.

LEAVE A REPLY

Please enter your comment!
Please enter your name here