Inamu dhana omeya ohaga li aantu

0
140

KuLoide Jason

ONGWEDIVA- Opolisi yomOshana oya ti oya limbililwa komaihumbato gaakwashigwana mboka inaaya hala oku hulitha po oku dhana momeya.

Omupopiliko gwopolisi moshitopolwa shoka Warrant officer Thomas Aiyambo okwa ti aakuluntu yamwe oyeli ngashingeyi oyo ya ninga aayogi yomeya taya gandja oshiholelwa oshiwinayi kaanona aashona.

Aiyambo okwa popi ndhika sho kamwe komuunona wosikola ngo a kungululwa nokusa omeya pontopa ya Kandjengendi mEtiyali oshiwike shika. Olutu lwokanona hoka kedhina Carlos Nzilatima (9), keli okanaskola moGrade 2 kOshakati West Primary School, okali ashike ka monika mEtitatu.

“Oshili aapolisi opo yali pehala ndika etaya lombwele aantu ya zemo momeya ihe aantu mbaka unene tuu uunona otawu zimo ashike sho aapolisi taya yi wo otawu shuna momeya,” Aiyambo a ti ngaaka a luliwa.

Okwa tsikile ko ta ti kutya aakuluntu sho taya lombwelwa ya ze mo momeya oshoka otaya gandja oshiholelwa kaanona otaya yi ashike pokati komeya oshoka oye shi shi nawa kutya aapolisi kaya vula okuya mokati komeya nomizalo dhiilonga.

“Ashike oto adha ashike aakwashigwana taya gandja ombedhi kaapolisi omanga yena aakwashigwana inaa ya hala okulongela kumwe nopolisi unene pethimbo ndika lyomeya ogendji,” a popi ngaaka.

Aiyambo okwa ti aakwashigwana unene tuu yopOkatana mpoka puna ontopa ya teka otaya yematitha noonkondo oshoka otaya dhana omeya sha pitilila shoka a ti ngele inashi hulithwa po otashi vulika shi etithe omaso .

LEAVE A REPLY

Please enter your comment!
Please enter your name here