A kuthwa iilongitho kukansela

0
514

KuLoide Jason

OMUNYELE- Kansela wOshikandjohogololo Outapi okwa kutha ko iilongitho yali ya pewa gumwe gomwaakwashigwana moshikandjohogololo she molwaashoka ina longitha iilongitho mbyoka ngaashi sha uthwa.

Okwa hokololwa kutya omukwashigwana nguka inaa hala edhina lye li tumbulwe okwa ningile eindilo kopolohalama yoku nkondopeka aanangeshefa aashona, okupitila mombelewa yoshikandjohogololo opo a yambidhidhwe ye a vule oku eta po oshikunino.

Okwa li a yamukulwa nawa nomondjila eta pewa iilongitho yoshikunino ngaashi okashina kokupomba omeya, ominino dhomeya mbali, ooshako mbali dhondjundo yookilograma omilongo ntano kehe yimwe dhuuhoho, iikana iiyali yokutekela iimeno, noshowo uunima wokukunina iimeno.

Ashike mbika ayihe okwe yi kuthwa kuKansela Fillemon Shikwambi ngoka a ti kutya osha ningwa oshoka naku yi pewa ine yi longitha ngaashi eyi indilile. “Sho tatu popi ngeyi iinima mbyoka ya tumbulwa pombanda oya pewa nale omukwashigwana ngoka ena ehalo okuyi longitha oshoka ngoka eyi pewa metetekelo ineyi longitha ngaashi shuuthwa kepangelo,” Shikwambi a ti ngaaka.

Shikwambi okwa ti epangelo otali kondjo okukutha aantu moluhepo ihe opuna mboka ngashingeyi taya longitha iilongitho mbyoka miinima yo paumwene shoka ta ti kutya ka shi li mondjila.

“Epangelo otali kondjo nuudhiginini opo aantu ya ze moluhepo , ihe aantu yamwe inaya hala oku za mo moluhepo shoka tashi shunitha oonkondo dhepangelo monima,”Shikwambi a ti ngaaka. Okwa ti kutya mboka ya ninga elago ya kwathelwa kepangelo iilongitho mbyoka oyo ku longithwa okukondjitha ondjala ihe kashishi okulongitha iinima yo paumwene.

Okwa ti mboka taya ka longitha iilongitho mbika iinima yopaumwene nena oya tegelela okuyi kuthwa.

Ashike etompelo lya gandjwa ku naku kuthwa iinima oondyoka kutya aniwa ye okuli kokule nomeya na kena we oonkondo dho shikunino ngaashi a li edhina manga inaa mona ekwatho.

LEAVE A REPLY

Please enter your comment!
Please enter your name here