NBC a tseyitha Aahogololwa yoNama’s 2017

0
225

Komutoolinkundana

Windhoek- Konima yoomwedhi odhindji okutegelela iizemo yomaindilo gawo, etegelelo ndika otali thiki pehulilo omwedhi nguka sho omusholondondo gwaamboka ya hogololwa oku ka kuthombinga methigathano lyoNAMA’s nuumvo tagu tseyithwa.

Etseyitho lyomadhina gaasindani otali ka ningwa momasiku 15 gomwedhi nguka moVenduka.Ndika otali ningilwa pehala lyokulila lyaNICE oku tameka potundi 17h00 komatango

Oshiningwanima shika otashi ka ulikwa pethimbo tashi ningwa koTiivi ya NBC 1 oku tameka potundi onti-18h00. Okwa kundanekwa kutya etseyitho lyaasindani mboka taya ka kuthombinga otali ningwa konima sho mbaka ya li ya tothwa mo mokati komaindilo ogendji ga adha pomaindilo 865. Ehogololo lyaambaka olya ningwa kolutu lwi ithikamena nokaagandji yiitsa inaaya gama ombinga mboka ya thikama po maanawino yomeni lyoshilongo oshowo mboka ya za pondje yoongamba dhaNamibia.

‘ Oshindji osha longwa okuza tuu sho twa li twa tseyitha kutya aahikingalo otaya vulu oku ninga omaindilo opo ya kuthombinga methigathano lyoNAMA’s yonuumvo . Otwa taamba konyala omaindilo geli 865 okuza mu Kotoba 2016. Shika osha ulike kutya aakuthimbinga oyena ohokwe tayi koko oku kala oshitopolwa shethigathano ndika li holike ngashingeyi, omolwewiliko lyalyo lili nawa nomalandulathano galyo ihaa ga telagana.” Omunashipundi gwewilikongundu lyoNAMA’s Tim Ekandjo a ti.

Omuwiliki gwomatseyitho gIipindi moNBC, Umbi Karuaihe-Upi okwa ti , ‘Omalongekidho goshiithanene shika oge li mokati noga adha ondondo yokutseyitha omadhina gaa mboka taya ka kuthombinga methigathano lyolyene, sha hala okutya otuli lela popepi nesiku enene.” Okwa tsikile ko a ti NBC ongomutumimawi mombepo gwopashigwana okwi ilongekidha okutuma oshiithanene shika mombepo momasiku 28 no 29 Apilili. Shika ote shi ningi ongoshinakugwanithwa she shokulonga, okukundaneka oshowo okunyanyudha.

Aalongekidhi yoshituthi she tseyitho oya ti molwashoka poNICE opuna ashike ehala eshona lyo itali gwanene kehe omuntu, mboka ya tegelelwa poshiithanene shika oyo ashike aakwashilipaleki, aahiwa yasimana, iikundaneki oshowo omwaalu omushona gwaahikingalo. Onkene oonkulungu nenge aahikingalo otaya indilwa opo kaaya etelele omuntu opo ehala li vule okulongithwa kaayenda yalwe.

Egandjo lyomakopi nomapole kwaamboka ye gi ilongela otali ka kala ko momasiku 28 sigo 29 Apiilili nuumvo pehala tali ka tseyithwa nale.

Oshiithanene shika otashi kwashilipalekwa kuMTC pamwe na NBC melongelokumwe nomahangano ngaashi, Tafel Lite, Huawei Technologies, Oshitopolwa shUunkulungu, Ombaanga yoStandard,Air Namibia, J&P Group of Companies, NASCAM,Coca Cola, Methealth, Namibia Film Commission na NWR.

Mboka ye na ohokwe okulandula iiningwanima yoNAMA’S omanga oshiitanene inaa shi thika otaya vulu okulandula mbika momalungula, pepapndja lyoNAMA’s lyo www.nama.com.na, facebook.com/namibianawards. Twitter.twitter.com/namibianawards nosho tuu galwe.

LEAVE A REPLY

Please enter your comment!
Please enter your name here