Omukundu gwevi otagu vulu okukandulwa po

0
258

KuMaria Namupala

ONDANGWA – Moshigongi shomalenga sha ningwa omasiku ga ziko elenga enene melelo lyopamuthigululwakalo lyaNdonga Kashona Ka Malulu okwa tseyitha kutya omukundu gwevi eshongo enene moshilongo, ashike otagu vulu okukandulwapo.

Kashona ndhino okwedhi popi sho konima melelo lyOndonga mweya omatumpakano kombinga yoshikumungu shevi, ta ti evi ka lin a mwene ashike ohali langekwa komalenga ngoka giinekelwa kOmukwaniilwa mwene goshilongo.

“Akwetu otuna eshongo enene lyomukundu gwevi, ndyoka lya taalela iitunda yoshilongo ashihe, ngele otatu longele kumwe omukundu nguka ohashi vulika gu kandukepo nenge ha thiluthilu, otwa shitilwa kevi komushiti, tuli longithe pamukalo nopandjila ndjoka yuuka,” Kashona ta ti ngaaka.

Okwa gwedhapo ati omukundu gwevi otagu etwa kaantu yoyene, noyo yene yena okugu kandula po, ngele oya mwena nena ota ti kapena shoka tashi ningwa po.

Ta ti ooveta nomalandulathano dhomalangeko odha tulwapo ashike omalenga naakwashigwana oyedhi pilamena, no ihaye dhi landula ngaashi dhina okulandulwa.

Ta ti okwa konekwa ooyene yomikunda yamwe nomalenga taya longitha unene oonkondo dhuulenga ngele tashi ya kokulangeka, ta ti ombili yoshilongo otayi kalekwa po owala ngele evi tali kwatwa nuukeka, lyo li kalekwe megameno.

“Omuntu ngele kuna evi ito fudha nawa, osho osha pumbwa okukonekiwa kutya evi ihali indjipala ngaashi aantu taya indjipala muuyuni, evi nali kwatwe nawa yoo oohinina mba taye ya nayo ya vule woo okumona oshipambu shevi ya kale naanegumbo lyawo ya manguluka, nena ngele otatu langeke owala itaatu tala komeho nena otatu uka peni?,” Kashona ta ti.

Kashona ta gwedhapo kutya aantu oya pumbwa ngaa okukala ya thigapo evi lyoohembundangele mboka taya ka valwa komapipi gokomeho, ta ti aantu inaya longa owala okulya itapula ashike naya kale aluhe haya tala konakuyiwa.
Okwa pula woo ombepo yuukwamuhoko yi hulithwepo, yo aantu taya pangelwa kombili yuumwayinathana.

Ta tsikileko kutya uukwamuhoko ohawu teyagula po noku hanagula oshigwana,shoka hasheeta woo omatopoko. Ta ti ombepo yaNamibia limwe oshigwana shimwe nayi pangele aluhe. Ta ti aantu oya kwatwa unene kokahalu kevi, notaya halakanitha owala evi inaashi pumbiwa.

LEAVE A REPLY

Please enter your comment!
Please enter your name here