Taya si sho taya gwile momeya….Oyendji ohaya gwile momeya okuza kuundingosho

0
129

KuLoide Jason

ONGWEDIVA-Aapopoliko yopolisi muumbangalantu oya kumagidha aakulupe mboka haya kanwa omalovu nomagongo unene tuu ethimbo lyokwatoka opo ya kale ya kotokela omeya.

Seargent Kuume Iitumba omupopiliko gwopolisi moshitopolwa shaHangwena okwa londodha aagundjuka a ti ngele oya mono aakulupe inaa ya thika momagumbo omanga kwa luudha naya ye ye ke ya konge omanga pena ethimbo opo ya yande omaso taga vulu okuyandwa unene tuu ngoka taga etwa komeya.

Iitumba okwa ti ngashingeyi ethimbo ndika olyomagongo moka aakulupe haya ka shinga omagongo taya taa guluka iishana mbyoka yuudha omeya .

“Sho nduno taya galuka ko kunwa omagongo hoka iishana oyina omeya mo omuna woo iilambo nomithima dhomeya, nena opuna ompito onene omuntu nguka a kale a gwila momeya,” Iitumba a kumagidha ngaaka.

Okwa tsikile ko ta ti mboka nee taya ka konga omagongo naye shi ninge omanga kuuyele opo ya vule oku mona ondjila ya yela miishana yo ya yande okugwila momeya shoka tashi vulu okweetitha eso.

Warrant Lineekela Shikongo omupopiliko gwopolisi moshitopolwa shaMusati okwa ti momimvo dha piti oyali ya lopotelwa iiponga iyali moka aakulupe yali yasi omeya omanga taya zi kuukamba.

Shikongo okwa ti gumwe okwa li a si molukanda lwa Nhimbu mOutapi omanga omukwawo naye asi momukunda guli popepi nOutapi moshitopolwa shaMusati.

Okwa ti wo kutya aakuluntu naya tameke oku longa uunona momagumbo kutya omeya ohaga eta uuwinayi ngaashi oku gwila momeya nokusa.

Shika okwa ti otashi kwathele oku shuna pevi omaso gomomeya uunene mokati kaanona mboka haya yi kosikola.

LEAVE A REPLY

Please enter your comment!
Please enter your name here