Ekopi loHarders mehuliloshivike tali ya

0
75

KuTuulikki Abraham

Lüderitz – Ekopi loHarders olo kwa teelelwa tali ka danwa lwotete modoolopa yokomunghulo futa Lüderitz, oudano ou otau ka ningwa mehuliloshivike olo twa taalela.

Tim Ekandjo, odalele yaLiindili nokuli omuunganeki woudano wekopi eli, okwa tumbula kutya, ovalongekida ku ka danwe oudano wetanga lokeemhadi (soccer), moku ka kondjela ekopi loHarders.

Oudano otau ka kalako okuhovela mo 25 – 26 Maalisa neudo, omo eesipana dili 6 do moLüderitz tadi ka kufombinga.

Eespana odo tadi ka kufombinga mekondjelo lekopi loHarders, ode li pyakidila nomalideulo, nelalakano vaka dane nondjungu, va ka tale kutya ospana ilipi po modoolopa tai ka findana po ekopi loHarders lotete mondjokonona.

Okwa teelelwa omalihafifo mahapu, ngaashi ovashikingalo va yooloka, okudja meni loshilongo, nopoushiinda poSoutha Africa ta ve keuya moLüderitz ehuliloshivike olo lo 25 Maalisa, opo veuye va shambule ovakalimo vomo Lüderitz.

Ovakalimo vomoLüderitz okwa teelelwa tava ka tala oudano ou oshali. Okuya pokapale ketanga, itapa ka pulwa nande oshimaliwa shasha, oshoyo okukapwilikina ovashikingalo ovo tave keuya okushika eengalo mehuliloshivike tuu olo, ou ta ka pwilikina ita pumbwa okufuta nande osha, Ekandjo osho a shiivifa.

Ospana ei tai findana po ekopi loHarders oshikando shotete mondjokonona otai ka pewa N$100 000, nospana ei tai keuya ponhomola onhivali otai ka pewa N$50 000, nospana oyo tai keuya ponhomola onhinhatu, otai ka pandulwa nokapandi kee N$20 000.
Ospana keshe tai ka kufombinga otai ke li nyolifa nee N$5000.

Okwa fanekwa omalihafifo aeshe aa opavali taa ka longifa oshimaliwa shifike N$695 000.
Omahangano oo a yandja oshimaliwa, oNamdeb/Debmarine, Standard Bank, Tafel Larger, Profile Investments, Seaflower Group, Marco Fishing, Naftal Trading, na Ricky Hameva Property.

Harders edina loshi oyo haiyulwa mefuta laLiindili, haiyulwa unene kovanhu paumwene, nokulandifwa momapandavanda, nomomalukanda omoLiindili.

Ovaunganeki vekopi eli ova hala okutumbaleka oludi loshi yoHarders, oyo ya kala nokuva palula, okudja eshi tava putuka, fiyo onena. Ekandjo okwa tumbula kutya, okuniwe omafaneko opo Oudano waxuuninwa hano o(Final) uka ulikwe koRadio yomudidimbe o TV pefimbo tau danwa.

LEAVE A REPLY

Please enter your comment!
Please enter your name here