Ethigathano lyomanyakwa gaCoca Cola lye ende nawa

0
68

KuShipi Elago

OSHAKATI-Omanyakwa gAteletika oga li ga gongala pokapale kaShakati Olyomakaya ga zi ko methigathano lyuudhano wooklaba dhoateletika mboka ha wu kwashilipalekwa kehangano lyaCoca Cola.

Omadhina omanene muudhano wo ateletika oga li ga holoka puudhano mbuka sho omakondombolo ga li ta ga kondjithathana oku ninga shanamutango kesindano.

Osheendo shaamatuki osha li sha kwatelwa komeho komadhina omanene ngaashi gooLavinia Haitope(Nampol),Mayova Globine (Nampol) nosho tuu.

Moshinano sho 100m Mayova Globine okwa li oye a ningi enyakwa konima sho a li a kangele yakwawo oontanga nokweya gwotango muule woosekonde 12.86.

Jackobs Jolene gwokalaba yoWelwitschia 77 okwa li a toola po oshinano sho 200m konima yethimbo lyoosekonde 25.29, ye Kandovazu Desiree Mberi naye gwoWelwitschia 77 ta sindana po oshinano sho 400m methimbo lyoosekonde 57.21 .

Nduuviteko Salmi Nampol okwa li a kangele yakwawo moshinano sho 800m nethimbo lyoominute 2:18.93, omanga Lavinia Haitope naye gwoNampol ali a yakula po oshinano sho 1 500m muule woominute 4:39.00, nosho wo oshinano sho 5000m moka a li a matuka ominute 15:27.44.

Tjiviju Even Namibia Correctional Services okwa li a kuthapo oshinano sho 100m nethimbo lyoosekonde 10.70, omanga Narib Ernst Nampol a li a sindana po oshinano sho 200m.

Narib Ernst okwa li wo eya omutango moshinano shoometa 400m omanga Nghipandulwa Daniel a li a sindana po oshinano sho 800m. Ndilenga David okwa li eya gwotango muudhano wokuumba egonga (Javeline) sho a li uumbu oometa 40.98m.

Edhingoloko etiyali lyuudhano mbuka olya thinda komunkulofuta kodoolopa yaSwakopmund.
Aadhani mboka ta ya ka za mo niitsa oyindji momadhingoloko guudhano mbuka ota ya ka kuthombinga muudhano woNational Championship wa tengenekwa ta wu ka kala mOshakati kuyele nuumvo.

LEAVE A REPLY

Please enter your comment!
Please enter your name here