Ishitile ota longo nuudhigu momadhewo ge

0
104

KuShipi Elago

ONGWEDIVA-Omumatuki a tseyika nawa moNamibia Lahja Ishitile ota tsu nondhikwa momadhewo ge konima sho ngoka hemu kwata keti mokumatuka Ndilenga David a tembukile koVenduka niilonga.

Sho a yi moonkundathana naKundana Olyomakaya ga zi ko, Ishitile okwa holola kutya Ndilenga oye hemu kwata keti uuna taya matuka oshoka ye kena oshipala.

Okwa ti ngashingeyi ota nana nondatu oshoka momadhewo oha kwatwa komeho kokanona okashona hoka kaa kena nando ontseyo yomaudhano gopauyuni.

Okwa ti nando ongeyi ita teka omukumo onkene ta tsikile nomadhewo ge unene tuu sho ti ilongekidhile omaudhano ge li moSouth Africa nosho wo uudhano woCommonwealth mboka wu li ko omvula tayi ya.

Ndilenga okwa ti okuna etegameno opo Lahja a pite ondondo ye ontimulongo opo pamwe ya tale ngele otaye mu kongele eha moosikola dhomoshilandopangelo opo ashike a vule oku mona omadhewo ga kwata miiti opamwe nomukwati keti gwe.

Lahja naye okwa li ena ehalo oku kuthombinga muudhano wo Coca Cola Olyomakaya ga zi ko opo iitutse ashike naye okwa li a kanda dha yama oshoka naye okwa li iniishangitha kuyele muudhano mbuka.

Lahja ngoka ihaa monoko nando okwa ti okwa hala oku eta ombandi yoshingoli megumbo ngaashi ooyakwawo ya li ye shi ningi.

Aadhani mboka ihaaya monoko ohaya matuka ya kwatwa keti nomukwatiketi gwe oha kala ta matuka eli pooha dhe e li konima kashona.

Ngele omukwati keti gwe okwa yi komeho nena otaya geelwa.

LEAVE A REPLY

Please enter your comment!
Please enter your name here