Nambala oti ilongekidhile uudhano woGrand Prix

0
37

KuShipi Elago

OSHAKATI-Johannes Nambala omutondoki omunambandi yoshisiliveli muudhano woParalympika okwa li a wayimine ethigathano lyoCoca Cola, ndyoka ha li kuthwombinga kwaamboka yena omalutu giihwap.

Nambala okwa joina aatondoki mbaka methigathano ndika, ongoshitopolwa shokwi ilongekidhila omaudhano gopaigwana ngoka taga ka kalako kombanda yomafuta kuyele omwedhi tagu ya.

Nambala ngoka ta ka kuthombinga muudhano wo Grand Prix koDubai petameko lyApilili okwa li a kuthombinga moshinano shoometa 400 nosho wo 200m moka a li a thigi po aamati mboka yena omalutu giihwa po oyendji nokwa li a likola ehala etitatu.

Nambala ota ti oti ilongekidhile ethigathano lyokoDubai a mana mo oshoka okwa hala a ka ze ko nesindano. Okwa ti ke na uumbanda okumatuka naatondoki mboka ye na omalutu giihwapo oshoka ye oku na oshitalenti oshinene sho ku matuka.

Ta tsikileko ta ti oya li ye na oku kuthombinga pamwe na Ananias Shikongo ashike Shikongo ka li ishangitha nawa pethimbo methigathano ndika onkene ina vula oku kuthombinga. .

Nambala okwa li a ningi nawa muudhano woParalympics mboka wa li koRio de Janeiro sha Brazil omvula ya za ko sho a li a zi ko noombandi dhoshisiliveli mbali, oshisiliveli oha shi gandjwa komuntu ngoka eya omutiyali muudhano.

Nambala okuna uulema womeho noha monoko ashike kashona oshinano sho centimeta 30 ano shi thike puule wokatenditho, noha kuthombinga muudhano ha wu ithanwa T 13 mboka kehe omudhani ta kutha ombinga, uulema we oha wu tulwa koshiviha putalike ngele owu thike ngaa tuu pamwe nooyakwawo.

LEAVE A REPLY

Please enter your comment!
Please enter your name here