Oliha yoVolleyball ye egulula oshitayi mEenhana

0
46

KuShipi Elago

ENHANA – Oliha yetanga lyokomake yokoNooli ndjoka ya kala ashike hayi dhanenwa mOshakati,Ongwediva nOndangwa, nuumvo otayi kala yi na omaudhano nomondoolopa yEenhana.

Uudhano wehuliloshiwike lya zi ko owa li wa dhanenwa pokapale kEenhana VTC moka omakondombolo ga li ta ga li ehete okuninga shanamutango kesindano.

Uudhano wotango mEenhana owa li pokati kosipana ndjoka opo ya wayimine oliha ndjika Medipark VC tayi kondjitha EVTC, moka Medipark a li a sindana po uudhano mbuka 3-2.
Muudhano uutiyali Oshikoto Nampol osha li sha dhenge mo Medipark 3-2 omanga EVTC a li eshi pondola oku dhenga Oshikoto Nampol 3-2 muudhano wahugunina wesiku.

Uudhano otawu tsikile ehuuliloshiwike tali ya mOndangwa sho Nakapele VC ta ka ya mondambo na EVTC, omanga Six Stars VC ta ka tsakanena mokapale nOshana Nampol.
Pethimbo lyepatululo lyoliha yoVolleyball yonuumvo 2017 Omunashipundi guudhano mbuka koNooli Mwita Sikopo okwa ti nuumvo ehangano lyoVolleyball olya tokola oku fala uudhano mbuka koshigwana, a ti okugwedha Eenhana moliha ndjika ota shi ulike omundilo omwaanawa.

“Otwa hala opo etanga lyokomake lyi andjagane niitopolwa ayihe yokoNooli mbyoka yili kohi yelelo lyoFar North Volleyball League,” Mwita a uvaneke.

Okwa li a taambako osipana yoMedipark VC nohamu , a ti komwaalu gwoosipana tagu yi pombanda oko wo kuudhano tawu yi pombanda onkene ethigathano pokati koosipana nalyo ota li koko.

LEAVE A REPLY

Please enter your comment!
Please enter your name here