Omukulupe a kwata okatekulu onghonga

0
2342

Komutoolinghundana

Ongwediva – Opolifi mOshitukulwa shaShikoto oya kwata po omukulupe womido 63, oo taku fekelwa a kwata onghonga okatekulu ka dalwa komonamati.

Omukulupe oo edina laye itaali dulu okutumbulwa molweameno loukwatya wokaana, okwa holoka momhagulilo yamangestalata mOmuthiya, Etitatu loshivike eshi, ta tamanekelwa ekwatonghonga.

Otaku hokololwa kutya Olomakaya laya, omukulupe omunamido 63 womOkapuku mOmuthiya okwa kwata keenghono okatekulu komido 13 , oko keli okamonakadona komonamati. Okaana va ti aka keli mondodo onhinano, ovali veli moilya (mepya) naxekulu eshi va ti eka nhukila ndele teka dula ombulukweva keenghono noku ka longela oilonga ikukutu.

Konima yoshiningwanima, okaana oka tumina ina mumwaina waxe etumwalaka kongodi, noku mu hokololela oikulumuna oyo ka longelwa kuxekulu.

Inagona oo ha kala kOhangwena va ti okwa shivifila xe yokaana, ndele tava i kOkapuku pamwe, nokonima ovaka lopota oshiningwanima kopolifi. Omufekelwa okwa kwatwa po mEtivali.

Moshiningwanima shikwao sholudi eli nasho sha ningilwa moshitukulwa shaMuthiya,okaana keedula 12, nako keli okanafikola komondodo onhinano, oka kwatwa onghonga mOsoondaha ya dja ko. Otaku hokololwa omufekelwa okamati keedula 17, ka hanga okaana aka kokakadona manga kali mondjila ka yuka keumbo, ndele ta ke ka nanene moingade omo ke ka longela oilonga yomilaulu. Okamati aka paife keli omufekelwa otaku hokololwa kutya okanafikola komoGrade 8 pIipundi Senior Secondary School. Ava vavali ina va pambafana.

Eenghundana edi oda kolekwa kuKomufala wopedu wOpolifi moshitukulwa Oshikoto Kommissiona wopedu Naomi Katjiua.

LEAVE A REPLY

Please enter your comment!
Please enter your name here