Operational Christmas Child tai eta elunduluko

0
60

Komutoolinghundana

OHANGWENA – Operation Christmas Child oi na elalakano, okuulikila ounona aveshe kutya Kalunga omushiti, okuhole ovashitwa aveshe shifike pamwe. Ouyelele owa yandjwa kuHileni Nashongo, oshilyo shokomitee ounganeki yomapukululo ovalongi vofikola yoSoondaxa younona momaongalo moshitukulwa shaShana.

Nashongo ota ti, ehangano ola tameka kuyandja omapukulo moNamibia 2002, ola li ashike koshitukulwa shoko ushimba okuyandja omaano kounona aveshe vomaongalo aeshe meengerki domaitavelo a yooloka moitukulwa aishe 14 yoshilongo. Ounona aveshe hava i keefikola doYoondaxa, ove na okupewa okapakate kamwe komaano, haka yandjwa lumwe kokaana keshe.

Omaano nande a yooloka oumati noukadona, omu na Ombiibeli, okambo komahokololo, nouleke. Vamwe ohava hange mo otyeke yomwaalu woshimaliwa shonhumba tai shivi okaana kaka talele po ofamili yovatumi voshimaliwa koshilongo shavo.

Nashongo okwa fatulula kutya, oshoongalele pukululo poFour Square yaHangwena oshivike sha djako opa li ovakufimbinga 57.

Elalakano opo, oilyo yeengeleka adishe da itavela muKristus di ulike ohole kovanhu aveshe, oilyo yomaongalo i kufe ombinga momadeulo opo omaongalo aeshe eengeleki da yooloka moshilongo a tote po eekomittee di yambidide ovalongi vofikola yoSoondaxa momaongalo avo. Ounona aveshe okudja peedula hetatu fiyo 14 va pite momadeulo owina a longekidwa fiyo va fika pondodo yopombada.

Nashongo, omukwaneongalo moFour Square mOngwediva okwa yelifa kutya, ekufombinga momadeulo lwoikando 12 otali tu omufindo kutya nande tu na omaongalo a yooloka, atushe otwa kulilwa kuJesus Kristus umwe. Oshana osho ashike shi na eekomittee tadi deula ovalongi vofikola yoSoondaxa vomaongalo a yooloka moitukulwa ikwao kolundume loshilongo.

Edeulo tali ka landula ko okombelewa yoGender kOutapi moshitukulwa shaMusati, ehuliloshivike eli.

Operation Christmas oya totelwa moUnited States of America mom’do1993 oku ulikila ohole yaKalunga kounona ve li momhumbwe nokuva pa omaano, moNamibia oya tameka oku ninga oyoongalelepukululo 2013 moWindhoek.

Omaongalo aeshe otaa teelelwa a kufe ombinga momadeulo oludi eli. Edeulopukulo lotete ola ningilwa peongalo laFour Square mOndangwa pexulilo laFebuluali mwa kufwa ombinga koilyo 65 ya dja momaongalo omoshitukulwa shaShikoto, Oshana nOmusati.

LEAVE A REPLY

Please enter your comment!
Please enter your name here