Oteya ota ka dhana oshituthivalo she

0
155

KuPinehas Nakaziko

Windhoek- Omuimbi omukiintu gwoongalo dho Afro-pop, Daphne Willibard a tseyika nawa Oteya, ota ka dhana oshituthivalo she poWarehouse Theatre pehulilo lyomwedhi nguka.
Oteya ota ka kwathela oku imba komakuya omanene mehangano lyoku imba moNamibia ngaashi Gazza, Lady May, Adora, The Dogg, nomuhikingalo omuZambia Macky2. Shika otashi kakala oshikando shotango Oteya ta ka imba koWarehouse Theatre, okuza sho ali a tameke oku imba oye awike.

Oteya okwa li a tameke oku imba oye awike oomvula hamano dha ka pita, sho a li a topoka na Frieda ngoka ali hi imbi pamwe naye mongundu yawo yoGal Level. Oteya manga a li omushona okwa za ha pulakene aahikingalo aaAmerica ngaashi Mariah Carey, Toni Braxton naBrandy, mboka yali ye mu hokitha okui imba. Okwa tameke oku shanga omaimbilo ge noku imba pomahala ga yooloka .

Okwa li a shainwa koDungeon Family momimvo dho 90 oku uka poma 2000, nokonima okwa ka uvathana naFrieda, opo ya tote po Gal level mo 2004.

Mo 2012, Oteya okwa li a shendje edhina lye okuza kuDaphne eta ningi “Oteya” ongedhina lye epe lyuuhikingalo.

Oteya okwa pititha oalbuma ye yotango yedhina Ethimbo, ndjoka ya li ye mu sindanitha omakopi ogendji. Oalbuma ndjika oya li ye mu pe ompito ombwaanawa okukala a hogololwa moMTV Base. Mo 2015, Oteya okwa li a hogololwa onga oye omuhikingalo dhingi omukiintu methigathano lyaahikingalo dhingi moNamibia. Pehulilo lyomwedhi gwa zi ko, Oteya okwa pititha oalbuma ye ontiyali yedhina Ondeya, ndjoka tayi inyenge nawa moshilongo.

Oteya okwi imba wo pamwe naahikingalo yopondje yoshilongo ngaashi Ringo, Freshly Grounds, 2 face, Lizha James, Dbanj, UB 40, P Square naBoyz 11Men.

LEAVE A REPLY

Please enter your comment!
Please enter your name here