Ta tamanekelwa edhipago lyomwanamati

0
3535

ONGWEDIVA-Omukiintu omunamimvo omilongo 32 okwa holoka mompangu Etiyali lyoshiwike shika ta hokololithwa kombinga yedhipago lyomwanamati ngoka ye anuwa a mono ihe okwe mu dhipaga noku mu umbila momeya.

Selma Mukongo gwomOkalonda moshikandjohogololo shAnamulenge moshitopolwa shaMusati ota tamanekelwa edhipago, oshoka anuwa okanona hoka a mono kokamati oshiwike sha zi ko omudhimba gwako,ogwa adhika gwa kaama kombanda yomeya .

Mukongo okwa tindilwa okwi ifutila mo, noshipotha she osha undulilwa komasiku gahamano gaApilili nuumvo, omanga omakonakono gopolisi taga tsikile noku li mondholongo mOnandjamba kOkalongo moshitopolwa shaMusati.

Okwa hokololwa kutya omutamanekwa okwa longitha oshinima shaa shiwike okudhipaga omwanamati ngoka ete mu umbile momukanka gwomeya polukanda lwomomukunda gwawo.

Omudhimba nguka ogwi itsuwa Etine lyoshiwike sha yi, nogwa li gwa falwa kokila yopolisi yomidhimba kOkahao hoka oko gwa tandelwa.

Omutamanekwa nguka okwa li a mangwa po mEtine omo tuu moka noku taambelwa moshipangelo shepangelo mOutapi moka a kala sigo Omaandaha goshiwike shika sho a lalekwa mo.

LEAVE A REPLY

Please enter your comment!
Please enter your name here