Va ya konima yekumba molwoulunga

0
518

Komutoolinghundana

Ongwediva – Opolifi oya manga nokuditika ovalumenhu vavali molwoulunga womashina omajekpot oo va vaka koTsumeb ndele tave ke a holeka kOkalongo.

Ouyelele wa yandjwa kuKomanda wopedu moshitukulwa shaShikoto, ota u holola kutya, ovalumenhu ava oshivike shadja ko, ove li teela mondingosho yedina Madoza Cucashop molukanda laKuvukiland moTsumeb.

Oshiningwanima eshi osha ningwa mokati koufiku, Etine loshivike sha djako.
Omupedu Kommissiona Naomi Katjiua okwa holola kutya, omunamido 32 Lazarus Haufiku na kaume kaye, a shivika ashike nedina Hamutenya, vati ove li teela mondingosho omo, ndele tava vake mo omajekpot atatu aeshe kumwe ena ongushu yooN$ 300 000.

Mokupulwapulwa, Haufiku vati okwa lombwela opolifi kutya omajekpota ove a twala kOkalongo.

Efiku la landula ko, Hamutenya okwa findikila opolifi fiyo okOkalongo oko va holeka omashina oo.

Omashina aeshe okwa monika, a hangwa eli monghalo iwa, inaa teka. Ovo va fekelelwa oukalyamupombo moshinima omu, ova holoka nale momhangulilo yaMangetalata moTsumeb, noshibofa shavo osha undulilwa komesho?

LEAVE A REPLY

Please enter your comment!
Please enter your name here