Weird Gang ota dhenge oHip-hop

0
110

KuPinehas Nakaziko

Windhoek – Manga aahikingalo yamwe yi ipyakidhila noongalo dhaa yoolokathana ngaashi oHouse, Afro-pop noKwaito, ongundu yaahikingalo mboka aape no ye li oonkulungu mo ku imba oongalo dho Hip-hop,Weird Gang, ota ye shi enditha nawa momufango gwoongalo nguka.

Ongundu ndjika ya totelwe po mo 2011 kuGurd Grill, Jay Pee na Kid Ill, oyi li tayi hokitha no tayi ulike kutya oyo yimwe tayi ka kala dhingi monakuyiwa, ngele tashi ya mehangano lyoongalo.

Kakele ashike kokunyanyudha, aaimbi yomongundu ndjika oyena ishewe omulyo nomufango gwoongalo gwafaathana nonando yo inaya kokela pamwe.

Gurd Grill na Jay Pee oya kokela moRundu, omanga Kid Ill a putukile moVenduka. Mo 2015, ongundu ndjika oya li ya pititha okapandi kuungalo wako kedhina Overtime, pamwe nuuvidio wako uutatu wedhina What Else, Who Want It nosho wo Nothing To Say.

Uuvidio mbuka owa kala noku ulikwa koradio yomuzizimbe yo pashigwana yoNBC, One Africa osho wo nee This Tv.

Oshipandi shoongalo dhoOvertime osha li sha pitithwa komapandja goIntaneta. Ongundu ndjika Weird Gang, oya kala ishewe noku ulika uunongo wayo mpaka naampeyaka nokunyanyudha unene tuu moshilandopangelo.

Oya kala ishewe noku imba koshituthi shaahikingalo yo Hip-hop sha kala noku ningilwa koBank Windhoek Theatre.

Oya kala ishewe noku imba moondolopa Usakos naSwakopmund.

Omvula ya zi ko ongundu ndjika oya li ya pititha okavidio kayo okape kedhina Like That, hoka kali kapitithwa koYou Tube, noka thaanekwa kuReggie Film. “Otwa li twa kambadhala oku gandja okavidio ka ningwa nuukeka,” Gurd Grill ta ti ngaaka. Okwa gwedha po ta ti okavidio haka oka taambiwako oku dhanwa ko Channel O omvula ndjika, nongundu oya tokola okulonga nuudhiginini opo yi ka pitithe oalbuma yawo.

LEAVE A REPLY

Please enter your comment!
Please enter your name here