Aahikingalo aashona ye shi enditha nawa mehogololo lyoNAMAs

0
119

KuPinehas Nakaziko

Windhoek- Oya li ongulohi yenyanyu kaahikingalo mboka aashonae, sho ya li ya mono ompito ombwaanawa yokuhogololwa opo ya ye methigathano lyaahikingalo dhingi aaNamibia, ndyoka hali ningwa omvo kehe.

Ethigathano ndika lye etwa po komahangano MTC noNBC, mEtitatu lya zi ko olyali lya tothamo aahikingalo mboka taya kaya methigathano, miitopolwa yaadha lwopo-32, pehala lyokulila nokunwa poNICE Restaurant and Bar moVenduka.

Aahikingalo mboka aashona oyo yali taya ti pii poshiindingili mpoka, noya tegelela ethigathano lyahugunina ndyoka tali ka ningilwa mOmbaye muApiilili nuumvo.
Omuimbi omushona, Bradley Anthony, oye ali a hogololwa mukategoli owundji, mwakwatelwa hoka okanene, komuhikingalo dhingi omulumentu moshilongo. Anthony okwa li a hogololwa noalbuma ye ontiyali yedhina Forever Love.

Anthony okwa li a nyanyukwa noonkondo nokwa ti shika oshinima sha simana kuye, noko shitalenti she.

“Onda kala noku longa nuudhiginini oomwedhi odhindji dha piti, naashika iiyimati ashike yiilonga yandje,” Anthony ta ti ngaaka.

Oteya naAdora oyo ishewe aahikingalo aakiintu yaali ya li ya hogololwa muukategoli owundji nooalbuma dhawo Ondeya naAs I am. Ayehe nayo oya li ya hogololwa mokategoli komuhikingalo dhingi omukiintu. Sally Boss Madam okwa hogololwa muukategoli une, nokangalo ke Natural, hoka a li a pititha omvogu.

Nakupoya poshiindingili shika, Tim Ekandjo ngoka oye Omunashipundipitithi gwoNAMAs okwa ti aahikingalo oyendji aashona oyo ye shi enditha nawa mehogololo ndika, konyala noopelesenda 90.

Okwa gwedha po ta ti nuumvo oodola oomilliona 17 odha longekidhilwa ethigathano ndika.

LEAVE A REPLY

Please enter your comment!
Please enter your name here