Mareka ota ka ndaanisa mesiku lyevalo lye

0
116

KuPinehas Nakaziko

Mwene gwehangano lyokundaanisa moshilongo lyoEquipped Dance Academy (EQ), Stanley Mareka, ota ka dhana evalo lye Olyomakaya goshiwike tashi ya ano petameko lyomwedhi tu uka. Oshituthivalo shika otashi ningilwa poZoo Park, Amphitheatre, ngaashi Pinehas Nakaziko ta kundaneke.

Ehuku lyoshiindingili shika ota li ka kala “Ta gwanitha 30 mengathithi” na Stanley ota ti otaka simaneka okundaanisa moshilongo.

Omulongekidhi gwoshituthi shika, Frans Ugwanga, okwa ti oshiithanene otashi ka ningwa miiluku iyali moka, oshiluku shotango tashi ka kala unene shaakwanezimo okutameka potundi onti-12 yomutenya poPalm Tree Park, noku enda okuya koAmphitheatre komatango.

Oshinyangadhalwa shotango shoshiindingili shika otashi ka mona oongundu dhomithigululwakalo dhomoshilongo, tadhi ulike uunongo wadho noku ndaanisa, omanga oshituthi oshinene tashi ka tameka pohamano yokomatango, moka tamu ka kala omathigathano ga yoolokathana nomandaaniso ga dhenga mbanda.

Stanley ngoka a popi oku ziilila koBerlin moNdowishi, okwa ti elalakano lyokudhana evalo pamwe naakwatheli ye okuya pandula molwomayambidhidho gawo, nosho wo sho mbaka haya landula aluhe ondjila ye yokundaanisa ethimbo alihe oku za tuu petameko lyayo.

Stanley okwa ti pethimbo lyoshituthi shoka ota ka ulika omaludhi ogendji gokundaanisa, noyendji otaya ka mona uuwanawa owundji wokundaasisa. Oshituthi shika itashi ka kala ashike shaStanely oye awike, ndele nee otashi ka ulika wo nomithigululwakalo odhindji dhomoshilongo niinyangadhalwa oyindji yomainyanyudho.

Uutekete otawu ka landithwa koodola dhaNamibia o-30, no-50 posheelo.
Uutekete woshiindingili oshinene ota wu ka landithwa koodola dhaNamibia 60 no 100 posheelo.

Uutekete ota wu landithwa poAntonio’s Art, Goethe Institute nosho wo poKatutura Community Arts Center (KCAC).

LEAVE A REPLY

Please enter your comment!
Please enter your name here