Va shivifilwa va pate okinda koArea 7

0
318

KuTuulikki Abraham

Lüderitz –Elelonongelo pamwe novadali vounona hava fikola pokinda yaGabriel Pharm ova faneka okuya komesho nomalongekido, opo vaye momunyanyo, okuholola eudo lavo lonai, eshi Elelo lodoolopa yaLindili la hala okuva kufa noku vatwala koKinda oyo ili kokule navo.

Elelo novakulunhu vounona pokinda yaGabriel Pharm ova tokola oku ninga ehololomadiladilo eli konima eshi va mona elombwelo okudja kouMinisteli wo Gender osho yo kelelo lamuni wa Luderitz opo okinda yavo ipate omivelo dayo, noku hengumukila mumwe naa yo yaKosira, ili kombinga ikwao yolukanda tuu olo.

Omukulunhu waGabriel Pharm, Maria Mutilifa okwa lombwela Kundana kutya, ovadali vounona hava fikola pokinda ei, ova anya elombwelo eli, nova tumbula kutya voo itava dulu okutuma ounona vavo ko kinda oyo tava pulwa va tume ovana osheshi ei oi ili kokule navo, na otashi ka pula ovadali oshimaliwa sho kufuta osheendifo okutwala ovana koKinda oyo.

Ovadali ovakala nokuongala oyOondaha ya landulafana, tava kundafana, va ninge omahololodilaadilo, ngeenge elelo oshoyo ouMinisteli wo Gender ina va hala oku kaleka po oKinda oyo nokutula omayakulo konhele oko taku ka tungwa oKinda ili nawa.

Mutilifa okwa tumbula kutya yee pamwe nelelo loGariela Pharm Kindergarten ova kendabala okukonga omavatelo okupitila mombelewa ya Kansela woshikandjohoololo osho yo kelelo lodoolopa, okuhovela odula 2014, nova mwe enyamukulo kutya okinda yavo oya pumbwa okunenepekwa .

Edu opo tapa tungwa oveli pewa odula oyo tuu oyo 2014, noplana oveilongekida nale.
Kansela woshikandjohoololo Jan Sholtz okwa li eva shiivifila kutya opena ehangano loAnglo American Namibia Foundation la udaneka okuyambidida metungo lipe lo Kinda ei.

Paife elimbililo kuMutilifa novadali ovo hava eta ounona vavo pokinda opo, olili opo kutya , ova shiivifilwa kelelo lodoolopa pexulilo lodula yadjako kutya , eyambidido olo la monika po li tunge oKinda poGabriel Pharm, ota li tula eekinda adishe mumwe odo dili molukanda lo Area- 7.

No ponhele apa ta pa ka tungwa hapaapa kwali pa fanekelwa okinda ei yo Gabriel Pharm, ndele otai ka tungwa konhele oko kuna nale okinda Kosira, kombinga yolukanda oko, ovadali vombinga ei yo Gabriel Pharm Kindergarten ve wete kutya okwa pilama koo, oko kule nota shi ke va pula nokuli va kale hava futu osheendifo opo va dule okufikifa ko ovana.

Apa ovadali oshoyo Mutilifa otava indile opo oKinda yokombinga yolukanda oko va amena ikale po ndele iha ka mbwangwe mumwe na ikwao . Ova ti nande olukanda lo Area 7 limwe alike, olukanda ola kula neekinda odi lili kokule , onghene eindilo lavo olo eli kutya , ounona ava, vaama ombinga oyo ina okinda Kosira, nava yuke ngoo ombinga oyo, ndele ounona ovo veli kombinga ei yo Gabriel Pharm nava ye ngoo poKinda oyo ili popepi navo.

Mutilifa okwa ti okinda ei okwei hovela modula 2009 , a hovelele nounona veli 28 . Okudja opo omwaa lu wounona owa hapupala nopaife Mutilifa oha longo ounona vefike lwopo 80.

Oshivike eshi Mutilifa pamwe nelelofikola ova ufanwa keembelewa dElelo lodoolopa, nova shiivifilwa kutya oshimaliwa osho sha yandjwa kuAnglo American Namibia Foundation, otashi ka tunga okinda kombinga ikwao yolukanda oko kuna Kosira Kindergarten.

LEAVE A REPLY

Please enter your comment!
Please enter your name here