Yaali ya hulithile moshiponga shohauto

0
285

KuLoide Jason

ONGWEDIVA-Aantu yaali oya si moshiponga she ipumomumwe lyiihauto mondjila onene pokati kOkahao nOtsandi.

Omaso ngaka oga holoka sho oshihatuo moka oonakusa ya li shi idhenge mololi ndjoka ya li thikama mondjila tayi longwa noku opalekwa.

Oshiponga shika osha ningilwa mondjila yopokati koKahao naTsandi mOlyomakaya ga yi.Ondjila ndjika okwa lopotwa kutya oya li tayi longa, niiyenditho oya li yin a okuthikama mopate, tayi paathana oompito mokulongitha ashike ombinga yimwe yondjila ndjoka. Ihe omuhingi gwohauto moka mwa sile aantu mbaka otaku hokololwa a sineya oohauto dha li momukweyo ngoka noku ki idhenga mololi tayi zi komeho.

Ololi oya li tayi zi kOtsandi nokwa li ya pewa ompito opo yi tsikile ondjila kaalongi yopate mboka haya gandja oompito ihe ngoka gwotuukala yoCorolla okwa pitilile oohauto adhihe ndhoka dhali tadhi zi kOkahao eta pumu ololi ndjoka ya li ya pewa uuthemba okulongitha opate.

Ohauto yotuukala oya li ya humbata aantu yane mwa kwatelwa nomuhingi,ngoka a hulithile poshiponga mpoka omanga gumwe gwomaafaalelwa a hulitha sho a thiki moshipangelo.
Yaali yomaafalelwa oya taambelwa moshipangelo sha Tsandi nokonima oyali ya lundululilwa koshipangelo kOshakati Olyomakaya oyo tuu ndjoka.

Mololi omwali ashike omuhingi oye awike ngoka inaa ninga nande oosha. Omadhina goonakusa ogo Aune Namupala Erastus(26) ngoka a za kOnkushi na Nakale Erasmus Kashokolo(36 ) naye wo omukalimo gwomOnkushi moshikandjohogolo shaTsandi.

Omupopiliko gwopolisi moshitopolwa shaMusati Warrant Officer Lineekela Shikongo okwa koleke onkundana ndjika a ti omazimo agehe go paali oga tseyithilwa nale .

Shikongo okwa kumagidha aalongithi yoondjila ya simaneke omathano gomoondjila unene uuna oondjila tadhi longwa a ti oshanika oshiponga.

“Aantu na ya simaneke omalombwelo ngoka taga gandjwa kaalongi yoopate uuna oopate tadhi longwa opo ya yande iiponga yoomondjila nokushonopeka ekanitho lyoomwenyo dhaantu miiponga unene tuu dhaafalelwa,” Shikongo a kumagidha ngaaka.

LEAVE A REPLY

Please enter your comment!
Please enter your name here