Bulelo a londodha omukondjithi gwe

0
63

KuMaria Namupala

ONDANGWA – Omudhengingonyo Hedison Hipondoka ngoka a tseyika nawa nedhina Bulelo okwa tegelela olugodhi lwe lwo pa mbili ehuliloshiwike twa taalela.Olugodhi nduka otalu ka ningilwa poshinyanga shiigongi shelelo lyondoolopa yaShikuku.
Olugodhi nduka olwa thanekwa lu kaleko mehuliloshiwike lyomasiku gahetatu 8 gaApiilili nuumvo. Bulelo ota kaya mondambo nomukondjithi gwe And Desember ngoka wo e li omuNamibia konduko.

Olugodhi nduka olwo ndjundo yoJunior no ta lu kala lwomadhingoloko gane ageke.
Otalu ka tameka potundi ontihamano yokomatango.

Bulelo okwa ti okwe lu ilongekidhila nawa, nokwa londodha omukondjithi gwe Desember kutya ote ke mu ehameka noongonyo oondhigu.
Okwa tsikile a ti: “Onda hala di longe omukondjithi gwa ndje oshilongwa, opo nongula kee heshi yelekele we oku ya mondambo nangame.
Onda hala wo okupupaleka iilonga yaatokoli naagandji yiitsa iipu okuhulithila olugodhi metatakati sho tandi ka dhenga Desember oongonyo dhimwe nopevi, ye ta kala inaa yambukapo we.’ Bulelo a uvaneke ngaaka.

“Olugodhi ndoka olwa kala lwa tegelelwa koyendji, naalanduli yandje otandi ya uvanekele kwashilipaleke kutya ondi ilongekidhila nduka nawa, no tandi ka tunga Roma mesiku limwe, shino otandi shi ningi mekwatelo komeho lyaakwatheli yandje naayehe mboka ha ya kumike ndje aluhe,” Bulelo a gwedha po.

Olugodhi lwa hugunina lwa Bulelo olwa liko omvogu Septemba, sho a li a kondjo na The Cowboy Nashivela, mwaanduka Bulelo okwa li a dhengwa no ine shi pondola nande.

Ashike okwa uvaneke olweetho nduka kutya olwe ngaashingeyi nokwa tokola oku ka gandja iizemo iiyimati tayi shambula.
Bulelo ngoka eli omvalele yomOshikuyu moshitopolwa shaMusati, okwa sikola pOshikuyu noku ka tsikila koseko yaNegumbo nokonima okwa ka humitha eilongo lye komeho koZimbabwe. Ngashingeyi Bulelo omulongiskola keithano.
Tango manga inaa ninga omumbokisi okwa li ha tungu lutu, ihe shika okwe shi thigi po noku joina uudhano woongonyo, mboka a kala a landula ngashingeyi okuza omvo 2010.

Okwa ti mondamba okwa kala ha yi mo omalupita, nolundji okwa kala ha tala noku kutha ombinga pomaudhano goongonyo moshilongo nomomudhingoloko.
Okwa ti nando ena iipewa oyindji okwa tokola a mana opo a landule shoka shuudhengingonyo.

LEAVE A REPLY

Please enter your comment!
Please enter your name here