Burns a hala olugodhi lwe niIndongo lu thike mbala

0
158
Namibia's Julius Indongo, left, knocks out Russia's Eduard Troyanovsky during their light welterweight title bout in Moscow, Russia, on Saturday, Dec. 3, 2016. Indongo took IBF and IBO light welterweight titles by knocking out the reigning champion Troyanovsky with a left hook 40 seconds into the fight. (AP Photo/Ivan Sekretarev)

KuRichard Wilson

Omudheuli gwomudhengingonyo omuBritania okwa ti omukondjithi gwa Ricky Burns omwedhi nguka okwa fa omayambandjodhi. Eddie Hearn okwa popi kombinga yomukondjithi gwa Ricky Burns a ti nguka “ oye omayambandjodhi gowala. Ihe nando nguka ke shiwike nawa unene, Burns omvalele yaScotland nenyakwa lyoshilongo shoka okwi ilongekidha okukondjitha omukondjithi gwe nando oku shishi kutya olugodhi ndoka ita lu ka kala olupu.

Burns ota ka popila epaya lye mondjundo yo super-lightweight mehangano lyoongonyo muuyuni nenge WBA sho ta ka taalela Julius Indongo ngoka oye enyakwa lyaNamibia lyuuyuni moshiviha osho tuu shika sha gandjwa komahangano goongonyo muuyuni IBF/IBO.
Olugodhi nduka talu ka hanganitha omapaya ngaka ge li gatatu olwa thanekwa talu ka kalako mehuliloshiwike lyoPaasa moshinyanga sho Hydro moGlasgow moScotland.

Otaku hokololwa omudheuli gwa Burns a li a ha andola omudheulwa gwe a ka kondjithe omudhengigonyo afa a nkundipala moku dhenga oongonyo,eli hwepo momalugodhi.

“Onda li nda hala opo a kondje nomukondjthi ando omuhwepo , nopethimbo ndyoka ye ando okwi imonene iimaliwa oyindji.
Ihe Burns okwa tokola opo a hogolole okukondja na Indongo nonando otaka mono iimaliwa iishona okuyeleka naambyoka taka mona ngele andola okuhogolole omukondjithi gulwe.” osho Hearns a ti.
“Lyo etokolo ndika olyo tali kumitha unene oyendji , molwashoka ye iti i pula unene niimaliwa. Ihe shoka a hala osho okuthigako edhina, osho wo ondjokonona.

Ndika olyo elalakano lye enene okukala omuntu ena enwethemo.
Burns okwa li nompito okugamena oshishani she moku kondjitha omuAmerica Paulie Malignaggi, ndele konima ashike yoku mona Indongo a sindana epaya lyoIBF nena, okwa mono kutya ye okwa hala okushonga Indongo. Nguka okwa ningi enyakwa lyuuyuni konima sho a dhenge mo enyakwa lya Russia Edward Troyanovsk medhingoloko lyotango.

Sho Burns a mono olugodhi nduka okwa li nookuli a tokola kutya okwa hala oku kondja na Indongo.
Oshinene kombinga yolugodhi nduka ooshika kutya aadhengingonyo ayehe yaali kehe gumwe ota tula oshishani she poshitaafula mokuhanganitha omapaya ngoka gena ondjundo yi thike pamwe taga ka kuthwa po komusindani molugodhi nduka.Shika osho shotango olugodhi lwoludhi nduka talu ningilwa moScotland.

“Oku mona olugodhi lwehanganitho mondjundo ndjika oshinima oshidhigu oshoka mondjundo ndjika omo omuntu to adha omanyakwa ngaashi Terence Crawford (the WBC and WBO super-lightweight champion) nenge nee (Indongo) ngoka inaa tseyika nawa natango,” osho Hearn a ti.

“Aadhengingonyo mbaka yaali ayehe oyena oompito dhi thike pamwe okusindana olugodhi nduka.
Oto vulu okudhiladhila kutya Indongo otashi vulika eye ko Glasgow moScotland eti iyetha a dhengwe nuupu, ihe ngele owa tala sho a longo molugodhi mo Russia sho a dhengemo enyakwa ndyoka nena nguka keshi omukondjithi omupu nande nande.Ihe molwashoka Burns okwa kala mo ethimbo ele muudhano mbuka ye oku shishi shoka ta longo mokuhogolola olugodhi niIndongo
Hearn okwa ti ehangano lyoTop Rank, olya hala opo enyakwa lyAmerica, Terence Crawford, a ka kondjithe omusindani pokati ka Indongo and Burns .

Crawford okwa li a sindana po olugodhi lwawo naBurns omumvo 2014 konima yomadhingoloko omulongo nagaali. Okuza mpoka Burns okwa kala aluhe ta galikana opo mbaka ya tsakanene ishewe.
“Top Rank Promotions oya tokola nale kutya, olye a sindana molugodhi nduka lwa Indongo na Burns, nguka otaka taalela Crawford. Nguka okuna omapaya gaali nongele okwa sindana molugodhi otaka kala ena omapaya gatatu,”pahapu dha Hearns .

LEAVE A REPLY

Please enter your comment!
Please enter your name here