Ekopi lyoThe Namibian kOshana

0
208

KuShipi Elago

OSHAKATI-Osipana yOshana yaamati ye li kohi yomimvo 20 otayi ilongekidha neitulomo opo yi ka gamene nokukaleka ekopi lyo The Namibian natango moshitopolwa shoka.

Osipana ndjika nando oya pumbwa oshimaliwa no pethimbo ndika ka yi na aakwathi pashimaliwa, yo inayi sholola no tayi longo yaa na ezimbuko yi kale pondondo mpoka ta yi vulu oku kondjitha oosipana oonkwawo dhaza kiitopolwa yilwe moshilongo sho ekopi ndika tali ka dhanenwa nuumvo kodoolopa yokomunkulofuta yaSwakopmund.[Ombundu ya Kiiyala]
Omudheuli gwosipana ndjika Alex Iitumba okwa holola kutya osipana oyi li monkalo ombwaanawa no ye na aamati aape yaza moosipana dhomoshitopolwa shaShana.

Okwa ti konyala aamati oyendji mboka ya li ya dhana omvula ya ziko oya pita mo mosipana oshoka omimvo dhawo odha pitilila pwaandhoka dhuuthwa okudhanena ekopi lyoshifo shoThe Namibian. “Otwa thigala po ashike nuumati wuli uhamano womwaamboka wa li wa sindana po ekopi ndika omvula yaziko, na owo twa tegelela wu ka kwatele komeho ooyakwawo mboka aape opo tu tale ngele ota tu galulile ekopi kOshana,” Alex ta ti. Okwa ti ngashiingeyi oya dhana omaudhano ga konda pu gatano moka ya li ya dhana noosipana dhomomudhingoloko gwaShakati naNgwediva. “Osipana yetu oya kundukidhwa komukundu gwoshimaliwa unene tuu shoku kwathela aadhani okuya komaidheulo oshoka iha ya zi pehala limwe, noyendji ohaya zi kiitopolwa ya yoololoka Oshakati, Ongwediva, noshwo Ondangwa onkene ohashi kala oshidhigu oku eta aadhani mbaka pamwe,” Alex Itumba ta ti. Itumba okwa li wo a holola euvo lye lyonayi sho aanambelewa yoNFA ya li ya ndopa oku yaleka okapale koIndependence mOshakati opo aamati ya ninge ha ya idheulile mo onkene pethimbo a li mekwatathano na Kundana osipana yaShana oya li kaayi na ehala mpoka ta yi idheulile ,aadhani onda li ashike nde ya lombwele opo ya shune komagumbo oshoka kapuna ehala lyokwiidheulila. Ashike tala ne umatyona ota wu longitha iimaliwa yawo okufuta uutaxi okuya nokushuna komagumbo.

LEAVE A REPLY

Please enter your comment!
Please enter your name here