A holoka mompangu molweso lyondenge

0
263

KuLoide Jason

ONGWEDIVA- Omulumentu gwomimvo omilongo 38 okwa holoka mompangu yamagestrata mOutapi ta hokololithwa kombinga yeso lyondenge ye ndjoka anuwa a tsu nombele okusa
Oshiningwanima shika osha ningwa oshiwike sha zi ko megumbo lyaakuluntu yaa mbaka yaali momukunda Okaandi moshikandjohogololo Onesi.

Okwa hokololwa kutya eso ndika lyedhipago nombele olya landula olugodhi ndoka nakutsana na nakutsuwa ya li ya tameke sho ya zi kuundingosho. Okwa hokololwa kutya Jeremia Iileka Angala ngoka oye ngashingeyi ta tamanekwa okwa li a hala oku kokundjitha yina ihe nakusa Fillemon Ishiweni Absai okwa li ta gamene yina naAngala okwa yi mondunda eta kutha ombele ndjoka a tsu nayo mumwayina ngoka a hulithile poshiponga mpoka.

Okwa hokolwa kutya omutamanekwa nguka okwa kwatwapo nokuholoka mompangu yamangestrata mOutapi moka a li a tindilwa oku ifutila mo no ku li mondholongo kOutapi sigo oosho ta ka holoka ishewe mompangu momasiku 29 gaMai nuumvo..
Ehokololo ndika olya kolekwa komupopiliko gwopolisi moshitopolwa shaMusati Shisande Anna Kunga ngoka a ti omutamanekwa okuli mokakuma omanga omakonaako gopolisi taga tsikile.

LEAVE A REPLY

Please enter your comment!
Please enter your name here