Medipark FC otayi tyakaleke moliha

0
73

KuShipi Elago

ONGWEDIVA-Osipana yOngwediva Medipark FC oya tameke nuupenda sho medhingoloko etiyali lyoliha yaMedipark lya tameke ehuliloshiwike lya yi.

Muudhano we wotango Medipark FC okwa dhenge mo Ongwediva All Stars 2-0 mOlyomakaya pokapale kaMweshipandeka, nesindano ndyoka olye ya pe ookoola odhindji oku kala omutumba kombanda yomusholondondo gwoospana moliha ndjika. Medipark okuli petameko nenge komutse gwoliha molwashoka ospana yOld Mutual ndjoka na yo ya tameka nuupenda ka ya li ya dhana oshoka uudhano wayo owa undulilwa komeho.
Enyakwa lyoliha ndjika lyomumvo 2016, UNAM Engineering olye yi tameke nuunkundi konima sho lya dhengwa mo kuMedipark nokoola 4-3 muudhano wedhingoloko lyotango. Ospana ndjika ka yi na, uudhano ehuliloshiwike ndika.

Oosipana oompe ndhoka dha joina oliha ndjika pethimbo ndika otadhi longo nuudhigu , naashika odhe shi ulike shod ha nyengwa okusindana uudhano wadho sigo oompaka. Mweshipandeka Teachers ngoka opo eya moliha ndjika okwa dhengwa nayi kospana yoStandard Bank 8-3. Uudhano mbuka sigo oompaka owo tau kala wopandjokonona sho ospana yimwe ya tulwa ookola odhindji kospana onkwawo.

Pennypinchers FC ngoka na ye eli omupe moliha ndjika okwa kundwa kuStandard Bank 2-0, omanga Katima United a li iithigi othika na Unam Engneering mOsoondaha. Old Mutual ota ulike omundilo omwaanawa nuumvo, noosipana odhindji ita dhi ka kutha po oshitsa puye ngele omundilo ngoka ta ulike ogwa tsikile sigo opehulilo lyoliha, ashike Old Mutual okuna oshipotha konima sho ta fekelwa kutya okwa longitha aadhani ye vule yatatu ha ya dhana mooliha oonene moshilongo, oshinima shoka ina shi pitikwa komilandu dholiha ndjika. Pauyelele mboka twa mono po ota wu ti ngele Old Mutual okwa monika ondjo nena ota ka kanitha iitsa itatu mbyoka ta yi ka pewa Ongwediva All Stars.

Osipana ya Medipark nayo oya ninga omalunduluko omanene sho ya li ya etamo aadhani ye vule pu yatatu na ota yi ulike ya hala oku sindana po oliha ndjika. Oliha ndjika oya totwa po omvula ya ziko no yi na oosipana oompe dhi li mbali ndhoka opo dhe yi joina nuumvo ngaashi, Mweshipandeka Teachers FC naPennypinchers Fc.
Uudhano mbuka ohawu dhanwa ongoshitopolwa shonkalathano unene kaadhani mboka ya kala ha ya dhana oliha momimvo dhonale ihe ngashingeyi iha ya dhana we kehe esiku.

Uudhano mbuka owa simanekwa miilongo oyindji oshoka oha wu hanganitha aantu noku tula ethimbo miinima ta yi tungu omalutu , oshoka aadhani tanga aakulu oha ya kala ya ninga oshihakanwa shomalomvu niingangamithi.

LEAVE A REPLY

Please enter your comment!
Please enter your name here