MoElim ya pewa iikombo ya mune

0
148

KuLoide Jason

ELIM- Kansela gwoshikandjohogololo Elim moshitopolwa shaMusati okwa kumagidha mboka ya pewa iikombo okuziilila moombelewa dhelelo lyoshtiopolwa shoka ye yi sile nawa oshimpwiyu opo yi valathane yo ya vule oku tidha po oluhepo.

Gerald Shiimi Omaandaha okwa gandja iikombo omilongo 25 kaakalimo yatano yomuElim mboka ya za komikunda dhi ili no dhi ili.
Kehe ngoka a hogololwamo opo a pewe iikombo mbyoka okwa yi kegumbo niikombo itano oshitsezi shimwe niikadhi ine.
Miikombo mbyoka omuna shimwe oshikadhi oshisimba, shoka tashi ka vala meni lyethimbo efupi.

Ashike Shiimi okwa ti kumagidha oonaku pewa iikombo mbyoka a ti ngele mbika oya adhika kuunkundi nenge ya si kusha she enda po na yi kale ya lopotwa kaandja mwene gwomukunda meendelelo.
“Ngele iikombo mbyoka oya si mwene gwomukunda na tseyithilwe opo a wape oku mu pa ombapila ya dhengwa oshishako ndjoka tayi kwashilipaleke kutya iikombo mbyoka ina yi sa owina,” osho a kumigidha nomuthindo.
Okwa ti omuloka gonuumvo otagu pandulwa onkene mbaka na yi itulemo nokudhiginina oku sila oshimpwiyu nawa iinamwenyo yawo mbyoka.
Kansela okwa ti iimaliwa mbyoka ya landa iikombo mbyoka oya za moshiketha shokuhumitha aanafaalama komeho unene tuu mboka ihaa ya munu niimuna.

Mbaka ya pewa iikombo ka ya li nale ye yi na kakele oya gwanitha iipumbiwa yaamboka ya pumbwa oku kwathelwa Shiimi eshi yeleke ngaaka. Gumwe gwo mwaamboka ya pewa iimuna mbika okwa za maayelele[kokutya omutekulu gwaNalutenzi] mboka ye li moshikandjohogololo osho tuu shoka . Kiliki Shetunyenga okwa lombwele Kundana kutya ye okwa nyanyukwa unene sho a ningi elago opo a kale gumwe gwomwaamboka ya pewa oonewewe oshoka ine ya likola nale monkalamwenyo ye.

Shetunyenga okwa ti kutya okwi ilongekidha oku sila nawa iikombo mbyoka oshimpwiyu opo yi indjipale nokutana oshoka okwa hala monakuyiwa a kale a likola sha sha kola .

Saima Kanime ngoka a popi pehala lya yakwawo okwa ti oya pandula Kalunga sho a pitike opo ya thike pondondo mpoka yo ya wa pe oku mona uuwanawa wepangelo oku pitila mukansela ngoka oye omupiya gwoshigwana moshikandjohogololo shoka .

LEAVE A REPLY

Please enter your comment!
Please enter your name here