Omukwiita ta pangulilwa edipao lokaana (15)

0
768

Komutoolinghundana

OHANGWENA – Omukwaita woNamibia Defence Force (NDF), paife eli moshipundi shetulumuko, okwa holoka momhangulilo yaMangestalata mEenhana, ta holololifwa molwa efyo lokaana kokakadona komido 15.
Reinhold Mwenyo Nampala ota pangulwa sha landula eshi vati a yasha Loide ya Filemon weedula 15 mOsoondaxa ya djako momudingonoko waNamagogani moshikandjohoololo Epembe moshitukulwa Ohangwena.
Oihokolola ya Nampala oya undulilwa komafiku 15 aMai neudo manga opolifi tai twikile nekonakona layo.Nampala okuli modolongo mEenhana.

Ouyelele wa yandjwa komupopiliko wopolifi yoshitukulwa shaHangwena Sisante Kaume Itumba owa ti, Nampala omukalimo wokOnamagogani omukunda u li moshikandjohoololo shaPembe moshitukulwa shaHangwena omukwiita eli mopendjela. Ou vati okwa li tadi komambo kOnayena mOsoondaxa sha ya eshi oshiningwanima sha ningwa.

Pefimbo ta shingi otuwa yae kopate yongalama yopokati kOkankolo nEpembe okwa hanga ouona vatano ve li omutumba komukungulo wokapate . Okwe va shikila ombeda. Vane vomounona ova ya onhapo tapa shaala ashike okaana kamwe kokaadona oko Loide ya Filemon.

Pauyelele wopolifi Nampala okwa kankameka etuwa eta ifana Fillipus, nokaana eshi ka mona Nampala a dja metuwa ekwete ondjebo, okA faduka po ye Nampala ote ka umbu noku ka yasha mombuda nombistoli yoMakarova younene wemillimeta omuwoi.

Ehokololo otali ti, okwe ka londeka metuwa laye, eta ka helula manga ovaneumbo novashiinda poukamba vaNamagogani, opo nawa e ka twala kokapangelo kOkankolo, noka findikilwa diva noambulansa koshipangelo shakula kOnandjokwe. Itumba ota ti, konima yetando la shokola mo oholo mombuda oshivike eshi moshipangelo shaNandjokwe, Loide Fillemon ka li ta dulu kupopya.

Sisante Itumba okwa twikile noku yelifa kutya, manga Nampala inaa fika pokapangelo kaKankolo, ehokololo ola fika nale kopolifi yaPembe ei ya lopota oshiningwanima kosasiona yopolifi yakula yaEenhana ye omutamanekwa okwa kwatwa po.
Ovadali vaFillemon mokushiivifilwa ehokololo ova ka kalela okaana kavo koshipangelo shaNandjokwe.

LEAVE A REPLY

Please enter your comment!
Please enter your name here