Get Rich omuhikingalo omuyolithi

0
2817

KuPinehas Nakaziko

Windhoek- Ehangano lyoongalo lyaNamibia onkene tali ende tali koko konyala esiku kehe.
Ndjambi Paulus ngoka a tseyika nawa nedhina Get Rich, oye omuhikingalo gwoongalo dho Hip-hop, ngoka naye opo a holoka oku ulika oshitalenti nuunongo we moshimpungu shika

Get Rich okwa valelwa moshitopolwa Oshikoto, momukunda Onandhi guli pokati kOnyaanya nOnankali. Omunamino 34 okwa ti okuiimba okwe ku hokithwa kaahikingalo yopondje yiilongo mboka ya kala nokuiimba oongalo dhawo nale ngaashi 50 Cents naJa Rule.
Oyendji oya kala noku popya kutya Get Rich oye omuhikingalo omuyolithi, sha landula sho a li a toto po epandja lye epe koFacebook, opo a wape a tseyithe nokutaandelitha oongalo dhe konyala oshilongo ashihe.

Nonando oyendji opo ashike ya tameke okutseya Get Rich nuumvo ye okwa ti oongalo okwe dhi tameke nale sho a li a kala moRundu ethimbo ele, okuza 2005, moka ali a tsakanene nakuume ke kopothing o gwedhina Da Silva, ngoka a li omuhikingalo ethimbo ndyoka. “Okwa li hatu longo pamwe moRundu notwa kala noku enda pamwe noku nyanyukwa pamwe. Kuume kandje okwa li a pula ndje esiku limwe ngele ote vulu okuiimba, eta pe ndje embako mpoka ndali nde mu ulukile uunongo wandje,” Get Rich ta ti ngaaka.

Lwopehulilo lyomvula ndjoka okwa li a tameke noku kwatitha nookuli okangalo ke kotango kedhina My Nigga Lets Go, moka ali a kwathelwa oku imba kuDa Silva naEdgar, ashike okangalo inaka kapita we oshoka kakali kaningwa pamuthika gwopombanda.
Nando ongaaka, Get Rich okwa kala noku ulika uunongo we nongalo ndjika piituthi ya yoolokathana unene tuu mo Rundu noGrootfontein.
Mo 2013, Get Rich okwa li a tameke noku kwatitha oalbuma ye yotango yedhina True Story, noyali ya pitithwa omvula ya ziko, nuuCD ashike 200. Ashike mongashingeyi oalbuma ndjika otayi inyenge nawa, no tayi adhika nookuli moshilongo ashihe.

MuApilili Get Rich okwa tegelelwa opo aka pitithe okavidio kokangalo ke Get Rich My Nigga. Oka pambu kokavidio oka li kapitithwa komapandja go intaneta muMaalitsa. Okavidio okathaanekwa ku David Grant.
Nuumvo okwa tokola ishewe opo aka imbe pamwe naahikingalo aaNamibia ngaashi Neslow, Kavax naKalux.

LEAVE A REPLY

Please enter your comment!
Please enter your name here