Sunny Boy noalbuma Ependafule

0
273

KuPinehas Nakaziko

Omuimbi gwoongalo dhoHip-hop noKwaito, Panduleni Andreas Sunday Shipushu, a tseyika nawa nedhina Sunny Boy, ote shi enditha nawa moongalo, noalbuma ye ontihamano yedhina Ependafule ndjoka opo a pitithile otayi inyenge nawa momakutsi gaapulakeni.

Oalbuma ndjika otayi ende nawa , unene tuu shika osha kolekwa sho Sunny Boy a hogololwa muukategori uyali wethigathano lyaahikingalo dhingi moNamibia, mehogololo ndyoka lyali lyaningilwa moshilando omasiku ga piti. Sunny Boy omuhikingalo ngoka a kala mehangano lyoongalo konyala oomvula 14, no natango onkene tayi komeho mokutota nokuimba oongalo.

Oalbuma ndjika ompe oku za kuSunny Boy oku ulika ashike kutya oye omukiita ependafule, ngoka a kala noku kondjitha mpaka naampeyaka, ashike natango ota pula komeho.

Sunny Boy ngoka omvalele yomonooli yoshilongo, modoolopa Ongwediva, okwa li a tameke okuiimba kwe mo2004, nokwa li a pititha oalbuma ye yotango yedhina Young, Black and Gifted mo 2005, ndjoka yali yemu eta mehangano lyoongalo, nokuza mpoka okwa kala nokupula komeho.

Sunny Boy oye ishewe omuhikingalo ngoka a etapo omulyo omupe gwoongalo gwokwiimba gwedhina Hikwa, moka tati edhina ndika olya zi sho a kala noku imba oongalo dhoKwaito, edhi lungila mumwe noHip-Hop. Oalbuma ye ndjika ompeempeka oyi na oongalo 13 dholudhi lwoHip-hop, Shambo, House noHikwa.

Oongalo ndhoka itoomana oku pulakena ongaashi Rollerscoaster, My Baby naZeketa, ongalo ndjoka takwathelwa ko4x4 Too Much Power. Kakele kwaashoka, Sunny Boy okwa li ishewe a toto po iizalomwa ye yoHikwa noYaziza Wear.

Omvula ndjika Sunny Boy okwa tegelelwa opo aka kale a ulika uunongo we moshilongo ashihe moka ta ka tameka okuiimba poVirmos Bar mOtjiwarongo.
Ota ka imba ishewe poInfinity moSwakopmund.

LEAVE A REPLY

Please enter your comment!
Please enter your name here