Vahapu otava ka idililwa molwefundja

0
50

Komutoolinghundana

OHANGWENA – Ovanambelewa vehangano lOmushiyakano Utilyana ova kunghilila kutya ovanhu vahapua ota va ka pumbwa ekwafo lonhele yokukala ngeenge omeva efudja a twikile okuya pombada.

Nande pefimbo eli ongudu yovanhu 100 va dja momaumbo 30 omomudingonoko va idililwa meetenda pOhangwena nopOmafo, vahapu ovo hava nangala pomaushiinda otave ke ya eshi ondodo yomeva yaako va idililwa natango nayo taa ka londa.

Elondodo eli nouyelele ou owa yandjwa komukulunhu wEhangano lOmushiyakano utilyana moshitukulwa shaHangwena, Maria Mwakala oo a ti, vahapu va idililwa ova dja momikunda dopomudingonoko da yelulwa ngaashi Onamhinda, Omafo nOshikango.
Okwa yelifa kutya, odula eshi ya diinina okuloka oyana oya yada, nomeva okwa kunguluka fiyo omomaumbo.
Okwa holola kutya, ehangano lavo eliyambi,no hali longele kumwe neembelewa da yooloka okuyambidida epangelo.

Ota ti, elelo loshitukulwa shaHangwena, ola yandja eetenda mwa idililwa ava ve li pOmafo, ofimbo elelo lodoolopa la yandja omeva noundjuwo.Ehangano eli ohali xupu momakwafo okudja kovayandji veeshali, noshitaimbelewa shikwao koshitukulwa shaShikoto osha yandja eetenda nhano mu nangekwe ongudu inene yaavo vateelelwa okudja momikunda dopomudingonoko kOmatunda aHaukongo naaveshe va fitikininwa komeva momaumbo.

Mwakala ta ti, palongelokumwe nelelo loshitukulwa ola yandja eeshi dokuvelela, omaadi oko shivelelwa noufila wepungu kwaaveshe va tembukila meetenda.

Okwa ti, shaashi odula natango otai twikile nokuloka nomeva otaa tane omapya nomaumbo oku li momeva neefikola ngaashi Elao Primary School nOshitambi oda idila.

Nande kashipu okutula omaumbo mumwe, ovo va ongala meetenda ova pukululwa nghee ve na kukwatela po oukoshoki mokulongifa oundjuwo, nokulaamena komikifi domikwayu.

Mwakala ota ti, meetenda dOpomafo omwa pombelwa eemwe, novakwashiwana vamwe ova etelela eenete davo dokulaamena keemwe. Moshitukulwa shaHangwena, omwa lopotwa ongudu yovanhu ve dule 100 va kwatwa koshidu shoMalaria okudja eshi omeva a tameka kukunguluka neudo 2017.
Oshikondo shonghalonawa noundjolowele, osha longikida ongudu yovanambelewa va talela po nedhagadhaga eenhele daavo va kondekwa komeva okuva twaalela omakwafo opaunamiti nokutala konghalo omo ve li.
Oikandjohoololo Oshikango, Engela nOngenga oyo unene i na ovakwashiwana va kondekwa komeva male.

LEAVE A REPLY

Please enter your comment!
Please enter your name here