Ya teya e taya fa dhuka po niimaliwa

0
345

KuLoide Jason

ONGWEDIVA- Omukalimo gwomomukunda Uuthima okwa thigilwa oluhepo sho ongeshefa ye yi iteelwa koombudhi e tadhi fadhuka po niimaliwa koomuma.

Oshiningwanima osha holoka mehuliloshiwike lya ziko kongulohi lela omanga a li ashike opo a ka lala konima yethimbo efupi oongangala otadhi iteele megumbo.

Omupopiliko gwopolisi moshitopolwa shaMusati moonkundathana naKundana shi nasha nonkundana ndjika Shisande Anna Kunga okwa ti oongangala mbali odha yi mondunda moka uusiku mokati.
Sho aniwa dha yimo odha ganeke naku landitha ondjembo etadhi mu lombwele a kale a mwena iti inyenge nande omanga dho tadhi kutha iinima mbyoka dha hala.

“Oongangala ndhoka odha zi mo noshimaliwa koomuma shoodola 1 500 no dha li wo dha yugu omulandithi ngoka ongodhi yopeke yongushu yoondola 1 500,” Kunga a ti ngaaka.

Okwa tsikileko wo ta ti ookalyamupombo mboka oya thigi po ehala mbala sho ya yugu omulandithi no ya fadhuka po.
Molwashoka oombudhi ndhika ka kwali dha monika pethimbo oshinyolwa shika sha yi kenyanyangidho opolisi oya indile moshigwana mboka yena uuyelele shina sha noombudhi ndhoka ye dhi lopote kopolisi opo ndhika dhi dhitikwe mbala.

LEAVE A REPLY

Please enter your comment!
Please enter your name here